Ոչ ոք ոչ մեկին չի վերահսկում, ոչ մեկը ոչ մեկի վերահսկողությամբ չի զբաղվում, կա քաղաքական թիմ, Տիգրան Ավինյանը եւ ես վաղեմի ընկերներ ենք, մեր քաղաքական թիմով անցել ենք ճանապարհ: Այս մասին NEWS.am-ի հետ զրույցում նշեց Երեւանի քաղաքապետի առաջին տեղակալ Արմեն Փամբուխչյանը՝ անդրադառնալով շրջանառվող լուրերին, թե Փաշինյանը իրեն գործուղել է քաղաքապետարան, որպեսզի ինքը Տիգրան Ավինյանին վերահսկի, իսկ անհրաժեշտության դեպքում նաեւ դառնա քաղաքապետ։:
«Ներկա պահին քաղաքական նպատակահարմարությունը եղել է այնպես, որ ես գտնվեմ այստեղ: Որեւէ կոնսպիրոլոգիա չկա:
Մեր կուսակցությունում հաշտ, համերաշխ մթնոլորտ է, որեւէ մեկը որեւէ թեւի չի բաժանվել, մենք ունենք ընդհանուր նպատակ եւ փորձում ենք առաջ գնալ այդ նպատակն իրականացնելու համար: Մի մասն իրականացնում է կառավարությունը, մի մասը ԱԺ-ն, մյուս մասն էլ համայնքները, մասնավորապես Երեւանի քաղաքապետարանը»,-ասաց նա: