News
Լրահոս
News
Շաբաթ
Ապրիլ 13
Տեսնել լրահոսը

Այս պահի դրությամբ դեռեւս ակնհայտ ու պարզ չէ՝ Ադրբեջանը համաձա՞յն է, վերահաստատո՞ւմ է երեք սկզբունքների շուրջ խաղաղության պայմանագիր կնքել Հայաստանի հետ, թե ոչ: Այս մասին, այսօր՝ նոյեմբերի 24-ին, ուղիղ եթերում քաղաքացիների տեսահարցերին պատասխանելու ժամանակ նշեց վարչապետ Նիկոլ Փաշինյանը՝ հավելելով, որ այդ երեք սկզբունքները համաձայնեցված են բանակցությունների ընթացքում, որն արտահայտվել է մայիսի 14-ին եւ հուլիսի 15-ին եռակողմ (Միշել, Փաշինյան, Ալիեւ) հանդիպումների արդյունքներով:

«Այդ սկզբունքներից առաջինը հետեւյալն է, որ հայաստանն ու Ադրբեջանը ճանաչում են միմյանց տարածքային ամբողջականությունը, այն ըմբռնմամբ, որ Հայաստանի տարածքը 29 800 քկմ է, Ադրբեջանինը՝ 86 600 քկմ:

Երկրորդ սկզբունքն այն է, որ դելիմիտացիայի հիմքը Ալմաթիի հռչակագիրն է: Հենց այդ հռչակագիրն է հիմնավորումը, թե ինչու ենք ասում, որ Հայաստանի տիտղոսային տարածքը 29 800 քկմ է: Որովհետեւ ՀՀ-ն ձեւավորվել է Հայկական ԽՍՀ տարածքով: Ձեռք է բերվել ըմբռնում, որ Հայաստանի եւ Ադրբեջանի սահմանների դելիմիտացիայի համար պետք է օգտագործվեն 1974-1990 թվականի ԽՍՀՄ ԶՈՒ գ;խավոր շտաբի քարտեզները: Այս նրբությունները ճշգրտելու անհրաժեշտություն ունեն:

Երրորդ սկզբունքն է, որ երկու երկրների կոմունիկացիաները պետք է բացվեն երկրների իրավազորության, սուվերենության հարգմամբ՝ փոխադարձության եւ հավասարության սկզբունքի հիման վրա:

Մենք չենք կարող վստահաբար պնդել, որ Ադրբեջանը հրաժարվում է այդ երեք սկզբունքների հիման վրա խաղաղության պայմանագիր կնքել: Բայց նաեւ չենք կարող ասել, որ Ադրբեջանը վերահաստատում է իր հավատարմությունը այդ երեք սկզբունքներին: Անհրաժեշտություն կա բանակցությունների ընթացքում այս հարցերը պարզաբանել: Ինչպես տեսաք, նաեւ առաջիկայում այդպիսի քննարկում, գոնե քարտեզների ու սահմանների մասով նախատեսված է նոյեմբերի 30-ին՝ սահմանագծման հանձնաժողովների ֆորմատով:

Մենք այդ քննարկումներից հետեւություններ կանենք, եւ եթե այլ բանակցություններ լինեն, դրանցից եւս հետեւություններ կանենք, թե արդյոք Ադրբեջանը պատրաստ է այդ սզբունքների հիման վրա գնալ բանակցությունների, թե՞ հրաժարվում է այդ սկզբունքներից:

Փաստն այն է, որ մենք մինչ այս պահը նման վստահություն չունենք: Չնայած Ադրբեջանի կողմից հնչել է հայտարարություն, որ Ադրբեջանը ճանաչում է ՀՀ տարածքային ամբողջականությունը: Բայց այստեղ կոնկրետություններ են պետք, թե ինչ նկատի ունեն իրենք ՀՀ տրածքային ամբողջականություն ասելով: Այս հարցերի պարզաբանումը առաջիկա բանակցային գործընթացների հիմնական խնդիրն է»,- հայտարարեց Փաշինյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՀՀ ԶՈՒ ստորաբաժանումները կրակ չեն բացել արևելյան հատվածում տեղակայված ադրբեջանական դիրքերի ուղղությամբ․ ՊՆ
Ադրբեջանի պաշտպանության նախարարության հաղորդագրությունը չի համապատասխանում իրականությանը․․․
Օսկանյանն ասում է՝ Փաշինյան, դու լուծեիր ԼՂ հարցը, մենք կարմիր դրոշով կգայինք, բոլորիդ կուղարկեինք գրողի ծոցը. Քոչարյան
Տավուշի մարզում հենակետերի փոփոխության դեպքում մեկ այլ, միգուցե ավելի...
ԱՄՆ-ն և ՆԱՏՕ-ն ցանկանում են միջամտել տարածաշրջանի գործերին. Իրանի գերագույն առաջնորդի խորհրդական
Նա նշել է, որ «մինչև նման գործողությունները ցույց են տալիս, որ այս տխրահռչակ խմբավորումը այլ նպատակ չունի, քան...
Եթե չտայինք ճիշտ գնահատական, Ադրբեջանը կասեր՝ հատուկ ոչխարներին անցկացրել են, որ հետեւից գան զորքերը. Քոչարյան
Հայաստանի իշխանությունները ճիշտ է արել, որ դատապարտել է Ներքին Հանդում...
Հայաստանի և Ադրբեջանի միջև կայուն խաղաղության համար անհրաժեշտ բոլոր տարրերը կան. Դուկեն
Նրա խոսքով՝ ԵՄ-ն ողջունում է այն փաստը, որ Երևանը և Բաքուն պարբերաբար փոխանակում են խաղաղության պայմանագրի տեքստի վերաբերյալ առաջարկները…
Շվեդիայի պատվիրակությունն այցելել է Հայաստանում ԵՄ դիտորդական առաքելության հենակետեր
Շվեդիայի Խաղաղության, անվտանգության և զարգացման գործակալության, ոստիկանության և արտակարգ իրավիճակների գործակալության շվեդական...
Ամենաշատ