News
Լրահոս
News
Կիրակի
Մարտ 03
Տեսնել լրահոսը

Ստեղծվել է ազատ շուկա էներգիա ներկրողների և էլեկտրաէներգիա արտադրողների համար, այժմ շուկան ազատ է և ցանկացողները կարող են էլեկտրաէներգիա արտադրել, արտահանել և ներկրել ՀՀ-ից: Այս մասին, այսօր՝ նոյեմբերի 28-ին, «Հայաստանի էներգետիկայի բնագավառի ներկան և ապագան» խորագրով համաժողովի ժամանակ այս մասին հայտարարեց ՀՀ Ազգային ժողովի փոխնախագահ Հակոբ Արշակյանը։

Ըստ նրա՝ պետական մի շարք ծրագրերը՝ ներառյալ օրենսդրական դաշտում աշխատանքները՝ ուղղված են աջակցելու էլէներգիա արտադրողներին։

«Հայաստանում հարմարավետ միջավայր է ստեղծվում էներգետիկայի ոլորտում  ներդրումների համար, ինչի արդյունքում էլ ավելի է բարձրանում երկրի էներգետիկ անվտանգության և անկախության մակարդակը։

«այաստանի էլեկտրաէներգիայի ոլորտի զարգացման կայուն գրավականն են վերականգնվող էներգետիկ ներուժի տնտեսապես հիմնավորված, արդյունավետ և պատասխանատու օգտագործումը, ատոմային էներգետիկայի խաղաղ նպատակներով զարգացումը, էլեկտրաէներգետիկական համակարգի տարածաշրջանային ինտեգրումը, էներգակիրների մատակարարման ուղիների և ձևերի տարատեսակումը, էներգաարդյունավետության և էներգախնայողության միջոցառումների ներդրումը, թվային էներգետիկ վերափոխումը։ Սրան էն ուղղված բոլոր քայլերը։

Կայուն էներգետիկան երկրի տնտեսության զարգացման կարևորագույն պայմաններից է՝ ուղղված մարդկանց կյանքի բարելավմանը և կենսամակարդակի բարձրացմանը»,- ասաց Արշակյանը։

Նրա խոսքով՝ ակնհայտ է, որ Հայաստանում, ինչպես ամբողջ աշխարհում, էներգետիկայի ոլորտի նկատմամբ առկա է մեծ հետաքրքրություն։ «Էներգետիկան հիմքն է արդյունաբերության զարգացման, մարդկանց բարեկեցության, տնտեսական առաջընթացի, պետությունների անվտանգության և սուվերենության»,- նշեց ԱԺ փոխնախագահը։

ՀՀ կառավարության 2021-2026 թվականների ծրագրով սահմանված է, որ էներգետիկայի ոլորտում քաղաքականությունն ուղղված է լինելու էներգետիկ անկախության և անվտանգության մակարդակի բարձրացմանը, սպառողներին էլեկտրաէներգիայի և գազի հուսալի մատակարարումների ապահովմանը։

Իսկ մինչև 2040 թվականը էներգետիկ բնագավառի զարգացման ռազմավարությունն ուրվագծում է Հայաստանի տեսլականը էներգետիկայի զարգացման ոլորտում, որը խարսխված է ազատ մրցակցային և ոչ խտրական, ներառական և դիվերսիֆիկացված, էներգետիկ անկախության բարձր մակարդակով, մաքուր և էներգախնայող, թվայնացված և ինովացիոն, գիտելիքահեն, բարձր տեխնոլոգիատար, կանխատեսելի և թափանցիկ, հասանելի, բոլորի համար  արդարացի սկզբունքների վրա։

«Ռազմավարության շրջանակներում իրագործված բարեփոխումների արդյունքում 2022 թվականին գործարկված էլեկտրոնային հարթակի օգնությամբ Հայաստանում էլեկտրաէներգիա սպառողին ընձեռվում է հնարավորություն մատակարարին ինքնուրույն ընտրելու համար՝ պայմանագիր կնքելու և առևտրու անելու։ Այս կարևոր բարեփոխումը էլեկտրաէներգիայի շուկայի ազատականացման մասին է։  Ստեղծվել են նոր հնարավորություններ  ներդրողների և էլեկտրաէներգիա արտադրողների համար։ Շուկան այժմ ազատ է, ցանկացողները կարող են էլեկտրաէներգիա արտադրել, ներկրել և արտահանել Հայաստանից»,- հավելեց Հակոբ արշակյանը։

Նա մանրամասնեց, որ պետական մեկ այլ ծրագրով հնարավոր է տեղադրել մինչև 10 միլիոն դրամ արժողությամբ անհատական արևային համակարգեր՝ արտոնյալ վարկային պայմաններով։ Արշակյանը քաղաքացիների ուշադրությունը հրավիրեց այս ծրագրի վրա՝ կոչ անելով օգտվել դրանից։ «Այն իսկապես կարող է փոխել թե՛ անհատական էլեկտրական համակարգեր ունեցողների,  թե՛ պետության կախվածությունը էներգետիկ միջավայրի տեսանկյունից»,- ասաց ԱԺ փոխնախագահը։

Տպել
Կարդացեք նաև
Ամբողջը
Բուլղարիան մարտի 1-ից դադարեցնում է նավթի ներկրումը Ռուսաստանից
Տարեսկզբից Բուլղարիան սկսել է նավթ ներմուծել Ղազախստանից, Իրաքից և Թունիսից․․․
ԵՄ էներգետիկայի հարցերով հանձնակատարը բուռն կերպով գովաբանում է Ադրբեջանին
Ինչպես հաղորդում է ԱՊԱ-ն, ելույթ ունենալով Հարավային գազային միջանցքի խորհրդատվական խորհրդի 10-րդ...
Թքած պատժամիջոցների սպառնալիքների վրա. Քադրի Սիմսոնը Բաքվում այցելել է Ալիևին
Նրա խոսքով, բնական գազի արդյունահանումը կսկսվի հաջորդ տարվա առաջին եռամսյակում Ազերի-Չիրագ...
Գազամատակարարման վթարային դադարեցում Արթիկ քաղաքում, Սարալանջ, Նահապետավան, Հառիճ բնակավայրերում
 Վթարավերականգնողական աշխատանքների ավարտից հետո գազամատակարարումը կվերականգնվի...
Brent-ը թանկացել է մինչև 82,19 դոլար՝ մեկ բարելի դիմաց 
Այս պահին WTI-ի ապրիլյան ֆյուչերսները Նյու Յորքի NYMEX բորսայում թանկացել էին 0,21 դոլարով...
Բենզինի շուկայում ավելացել է երկու նոր տնտեսվարող. Գեղամ Գեւորգյան
Նա հայտնեց, որ առաջին խոշոր տնտեսվարողի մասնաբաժինը կրճատվել է 10 տոկոսով...
Ամենաշատ