News
Լրահոս
News
Հինգշաբթի
Փետրվար 29
Տեսնել լրահոսը

«Իրավունք» թերթը գրում է. «Ըստ  որոշ տեղեկությունների  Ռուսաստանի որոշ շրջանակներ լրջագույնս մտահոգվել են այն հարցով, որ մի շարք հայ  իշխանավորներ  ու գործարարներ,  ունենալով  մեծ բիզնեսներ Ռուսաստանում,  զբաղված են հակառուսական ակտիվ քարոզչությամբ: Այդպիսի  ամենակառկառուն դեմքերից մեկը  Գագիկ Մելքոնյանն է` ՔՊ-ական  պատգամավոր, որը նախկին իշխանությունների` Ռոբերտ Քոչարյանի օրօք, դարձել էր գեներալ-լեյտենանտ:

Սույն «բարձր ինտելեկտուալ»  ռազմա-քաղաքական կերպարը ունի բազմաթիվ բիզնեսներ  ոչ միայն Հայաստանում, այլ, ինչպես նաեւ պարզվեց,  ՌԴ-ում: Մասնավորապես` Գագիկ Մելքոնյանը  փաստացի տիրապետում է  Կրասնոդարի մարզում  Սեւ ծովի մերձափնյա տարածքում  երկու  հյուրանոցի, որոնց  տիրություն է անում իր որդին: Նշենք, որ հյուրանոցները մեծ եկամտաբերությամբ են աշխատում: Այսինքն ստացվում է, որ Գագիկ Մելքոնյանը ռուսների դեմ աշխատելով թքում է նույն ամանի մեջ, որից սնվում է: 

Մյուս կողմից  Գագիկ Մելքոնյանը, բնականաբար,  միայն  այդ աղբյուրից չէ, որ ստանում է իր ֆինանսական եկամուտները: Հայաստանում նա ունի բազմաթիվ բիզնեսներ, այդ թվում` ինչքան էլ զարմանալի է կրթական ոլորտում: Հենց իրեն պատկանող քոլեջում օրերս իր թոռը դանակահարել է մեկ այլ  քոլեջի սանի: Մի խոսքով, պտուղը ծառից հեռու չի ընկնում: Իհարկե, ճիշտ կլիներ, եթե Նիկոլի հակակոռուպցիոն  պայքարիստները  պատասխան տային, թե  որտեղից Գագիկ Մելքոնյանին այսքան  մեծ հարստություն, եթե նա  կյանքի մեծ մասը եղել է պետական աշխատանքի` բանակի համակարգում: Եվ արդյո՞ք, երբ Նիկոլը ղժղժում է, թե  հայոց բանակը նախկինների օրոք թալանվել է, այդ թալանողների առաջին շարքում չի՞ եղել գեներալ Գագիկ Մելքոնյանը:

Ի դեպ, հարց է ծագում, ինչպե՞ս ստացվեց, որ Գագիկ Մելքոնյանը, չունենալով  որեւէ զինվորական կրթություն  ու կիսատ-պռատ ավարտելով  Դոնի Ռոստովի գյուղատնտեսական ինստիտուտը,   1990 թվականից  հայտնվեց բանակում, որտեղից դուրս շպրտվեց միյան 2008 թ.-ին:  Ընդ որում,  մինչ բանակում հայտնվելը սույն «զորավարը»,  աշխատել է ընդամենը մեկ տեղ`  Էջմիածնի շրջանի Հայկաշեն գյուղի կաթնամթերքային համալիրում։ Հատկանշական է, որ բանակում անցկացրած այդ 18 տարիների ընթացքում «մեծն ռազմավար» Գագիկ Մելքոնյանը զբաղեցնում էր, որպես կանոն, թիկունքի, այսինքն` բանակի նյութատեխնիկական մատակարարման յուղոտ պաշտոնները: Դատեք ինքներդ...

1991 թվականին՝ հատուկ գնդի թիկունքի պետ, ապա հրամանատար։

1996 - 1998 թվականներին՝ ՀՀ Պաշտպանության նախարարության թիկունք վարչության պետ։

1998 - 2000 թվականներին՝ Մարշալ Բաղրամյանի անվան ուսումնական բրիգադի հրամանատար։

2000 - 2008 թվականներին՝ Հայաստանի Հանրապետության պաշտպանության նախարարի տեղակալ թիկունքի գծով-զինված ուժերի թիկունքի պետ։

Ինչ վերաբերում է Ռուսաստանին, ապա չենք զարմանա, եթե Գագիկ Մելքոնյանի եւ իր նման  Ռուսաստանում ուտող-ուրացողների որոշ  հայ բիզնեսմենների համար, որոնք  Ռուսաստանի աշխատած փողերով ֆինանսավորում են հակառուսական գործիչներին եւ գործընթացները,  կյանքը այլեւս այդքան քաղցր չի թվա»:

Առավել մանրամասն թերթի այսօրվա համարում

Տպել
Կարդացեք նաև
Ամբողջը
Իմ նկատմամբ քրեական հետապնդումն ուղղորդվում է անձամբ Փաշինյանի կողմից․ Դավիթ Տոնոյանի հայտարարությունը
Կարծում եմ, որ որևէ գիտակից մարդ՝ հետևելով գործով զարգացումներին և ծանոթանալով նշված...
«Փաստ». Հանձնարարել է հակադարձել «մեկին՝ տասը»
Մեր տեղեկություններով, Փաշինյանին հատկապես զայրացրել է, որ, ի մասնավորի, երբ որոշ ժամանակ առաջ...
«Փաստ». Լևոն Քոչարյանի գործով դատախազին ինչպիսի՞ «պայծառ ապագա» է սպասվում
Պատահական չէ, որ քաղաքական ենթատեքստ ունեցող գործերով գրեթե նույն դատախազներն ու դատավորներն են...
«Ժողովուրդ». Իշխանությունը փորձում է սիրաշահել արցախցիներին․ ՔՊ-ական պատգամավորները ցուցադրական հանդիպումներ են սկսել
Ըստ էության, այս հանդիպումներն ավելի շատ, կարելի է ասել, ցուցադրական բնույթ են կրում՝ արցախցիներին ցույց...
«Հրապարակ». Թագուհի Թովմասյանի պաշտոնանկությունն ապօրինի էր, Հայկուհի Հարությունյանի նկատմամբ խայտառակ վարք է դրսևորվել
Չնայած ԵՄ-Հայաստան քաղհասարակության պլատֆորմի նախագահ Լուսինե Հակոբյանը եւ նրա ամուսինը` Տիգրան...
«Փաստ». Կոնդ թաղամասի բնակիչների հետ կապված ի՞նչ գումարների մասին է խոսվել քաղաքապետարանում
Իրականում, մեր տեղեկություններով, այս թվերը վերաբերում են տեղական տուրքին: Բանն այն է, որ Կոնդում այսօր...
Ամենաշատ