News
Լրահոս
News
Երկուշաբթի
Մարտ 04
Տեսնել լրահոսը

ԱԺ «Հայաստան» խմբակցության պատգամավոր Գառնիկ Դանիելյանը տեղեկացնում է, որ քիչ առաջ կապ է հաստատել  Վերին Լարսում Հայաստանի մաքսային կցորդ Վահան Հակոբյանի հետ։ Վերջինս հայտնել է, որ ամենաթարմ տեղեկություններով 70 բեռնատար Լարսից հետ է վերադառնում, իսկ հարյուրավոր բեռնատարներ սպասում են պատասխանի։

«Հետ վերադարձող բեռնատարները բարձված են ձկներով, մրգերով, բանջարեղենով, չորամրգերով, ծաղիկներով։

Պարզեցի, որ ռուսական կողմը բազմիցս գրություններով դիմել է հայկական կողմին՝ արձանագրելով, որ կան մի շարք թերություններ, անհապատասխանություններ, և որ անհրաժեշտ է հրատապ վերացնել դրանք։ Խախտումներ հայտնաբերվել են հատկապես բուսական մթերքների մատակարարումների ժամանակ։ 2023 թվականին «Ռոսսելխոզնադզորը» բացահայտել է Հայաստանից արտահանված ծաղկի և պտուղ-բանջարեղենի մեջ կարանտինային վնասատուների հայտնաբերման 72 դեպք։

Հայկական կողմը, ըստ իրենց մեկնաբանության, հետևողական չի եղել թերացումները վերացնելու հարցում, ինչի արդյունքում ուժեղացվել է բուսասանիտարական հսկողությունը և ստեղծվել է նման իրավիճակ։

Քիչ առաջ ավարտվեցին ՍԱՏՄ-ի, Էկոնոմիկայի նախարարության և «Ռոսսելխոզնադզորի»-ի միջև բանակցությունները։ Կապ հաստատեցի ՍԱՏՄ պետի հետ՝ փորձելով պարզել, թե ինչ է որոշվել բանակցությունների արդյունքում։

Եթե հակիրճ ձևակերպեմ, քննարկումներն իրենց արդյունքը չեն տվել, և ցավոք, չենք կարող խոսել դրական փոփոխությունների մասին։ Ռուսական կողմը շարունակում է պնդել, որ խախտումները չեն վերացվում, իսկ հայկական կողմն ակնարկում է, որ խնդիրն այլ տիրույթում է։

Եթե անգամ խնդիրը միայն բուսասանիտարական հսկողության արդյունքում արձանագրված խախտումների մեջ չէ, այլ կա կանխակալ մոտեցում, անգամ այս դեպքում հայկական կողմը պետք է ողջ գործիքակազմի գործադրմամբ լուծի խնդիրը։

Պատկան մարմինների անգործության հետևանքով չպետք է տնտեսվարողները հազարավոր դոլարների վնասներ կրեն։

Կրկնում եմ, եթե անգամ խնդիրը քաղաքական է, սա չի նշանակում, որ պետք է ոչինչ չձեռնարկել։

Հարցի շուրջ առավել առարկայական քննարկումները կսկսվեն հաջորդ շաբաթ։

Նշեմ նաև, որ ՍԱՏՄ պետից խնդրել եմ տեղեկատվություն առ այն, թե քանի տնտեսվարողի է հայկական կողմը տրամադրել բուսասանիտարիայի համապատասխանելիության թուղթ»,- հայտնում է Գ.Դանիելյանը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանը երբեք չի համաձայնել Ադրբեջանին արտատարածքային միջանցք տրամադրել. Ռուբինյանը՝ Հաջիևին
Ռուբինյանը նաև հայտարարեց, որ Հայաստանում «Զագեզուր» կոչվող տարածքային միավոր չկա...
Փաշինյանի առաջարկած «Խաղաղության խաչմերուկ» նախագիծը Մեղրիի երթուղու այլընտրանք չէ. Զախարովա
Նա նաև հայտարարեց, որ ՀՀ վարչապետ Նիկոլ Փաշինյանի առաջարկած «խաղաղության խաչմերուկ» նախագիծը...
Շինարարության այս մեթոդները հնացած են, երկրներ կան, որ կարող են 300 դպրոցը 3 ամսում կառուցել. Փաշինյանը՝ ՏԿԵՆ-ում
Պետք է մտածել շինարարության ինդուստրիալիզացիայի մասին…
2023-ին իրականացվել է ճանապարհաշինական նյութերի որակի 6 հազարից ավելի լաբորատոր փորձաքննություն
Իրականացվել է նաև տրանսպորտային միջոցների ինտենսիվության առցանց չափում, միջպետական ճանապարհների ծածկի ուսումնասիրում, ճանապարհային ցանցի…
Այդպիսի ընկերություն չկա, որը չի շահում մրցույթը, եթե օբյեկտիվորեն ի վիճակի է. Փաշինյանը՝ ճանապարհաշինության մասին
2023թ.-ի ընթացքում իրականացվել են 4 կամրջի հիմնանորոգման, 1 վերգետնյա…
Փաշինյանին զեկուցել են՝ Հյուսիս-հարավի Երևան-Գյումրի հատվածը պատրաստ կլինի 2025-ի վերջին
Նախաձեռնվել է Դիլիջանի և Պուշկինի թունելների արդիականացման ծրագիրը…
Ամենաշատ