News
Լրահոս
News
Չորեքշաբթի
Փետրվար 21
Տեսնել լրահոսը

Ոչ մի իրավական հիմք չկա իմ նկատմամբ իմպիչմենթի գործընթաց սկսելու համար: Այս մասին NEWS.am-ի հետ զրույցում նշեց «Ապրելու երկիր» կուսակցության քվոտայով Ալավերդի համայնքի ղեկավար ընտրված Արկադի Թամազյանը:

Նշենք, որ Ալավերդու ՔՊ-ական ավագանին Արկադի Թամազյանին անվստահություն հայտնելու նախագիծ է շրջանառության մեջ դրել եւ ուզում է զավթել քաղաքապետի պաշտոնը:

Արկադի Թամազյանը պարզաբանեց, որ դեռ 1-2 ամիս առաջ «Ապրելու երկիր» խմբակցությունը իմպիչմենթի գործընթաց սկսել (ֆիկտիվ-խմբ), որը, բնականաբար, ավարտին չի հասել, որից հետո օրենքի ուժով մեկ տարի իրավունք չունեն իմպիչմենթի գործընթաց սկսելու. «Սակայն գործընթացն սկսել են այն պարագայում, երբ մեր խմբակցության մեկ անդամի կարողացել են առնետավազքով իրենց մոտ տանել, այսինքն արդեն մեծամասնություն են կազմում եւ փորձում են այդ տարբերակով զավթել իշխանությունը»,-ասաց նա:

Թամազյանի խոսքով, հենց սկզբից եւ մինչ օրս ՔՊ խմբակցությունը խնդիրներ է ստեղծում քաղաքապետարանի աշխատանքի համար. «սկզբում չներկայանալով երդմնակալության նիստերին, հետագայում նաեւ անիմաստ ստուգումներով փորձելով քրեական գործեր հարուցել: «Մ«ի քանի ամիս ավագանու նիստեր չեն կայացել: Մինչեւ հիմա այդ կոլապս վիճակն են առաջացրել ՔՊ խմբակցության անդամները:

Իհարկե, դա ազդում է քաղաքային իշխանության աշխատանքների վրա: Ինչքան էլ ուզենանք լավ աշխատել, ավագանու որոշումներ չկայացնելը խնդիրներ է առաջացնում եւ քաղաքացիների համար, եւ համայնքի: Ծրագրեր չենք կարողանում իրականացնել, ֆինանսական միջոցներ չենք կարողանում համայնքում տեղաբաշխել, սուբվենցիոն ծրագրեր իրականացնել»,- ասաց Թամազյանը:

Նա հայտարարեց, որ ՔՊ-ն պարզապես ցանկանում է, որ քաղաքապետն իրենց մարդը լինի, անգամ իրեն ուղիղ ձեւով ասվել է՝ «պետք է գնաս, եւ մեր մարդը պետք է լինի»:

«Բայց հո իրենց ուզելով չի, դա ժողովուրդն է ուզում: Մինչեւ վերջերս ստվերային գործընթացը ԱԺ պատգամավոր Արեն Մկրտչյանն էր ղեկավարում, հիմա չեմ կարողանում հասկանալ՝ ինչ է կատարվում, իրենց մոտ էլ խմորումներ կան: Հիմա Դավիթ Ղումաշյանն է, նախկին ՀՀԿ-ական, Շնող խոշորացված համայնքի ղեկավարը: Իր վրա բազմաթիվ քրեական գործեր կար: Հիմա քանի որ Արեն Մկրտչյանը ավագանու մանդատից հրաժարվել է, Ղումաշյանին են առաջադրել եւ իրեն են ուզում դարձնել քաղաքապետ։»:

Արկադի Թամազյանը վստահեցրեց, որ պայքարելու է մինչեւ վերջ. «Ամենակարեւորն այն է, որ ժողովուրդն է ընտրել մեզ, ժողովուրդն էլ չի թողնի, որ որեւէ մեկն իր քվեն գողանա: Ինձ տարբեր առաջարկներ արվել են, որ հրաժարվեմ պայքարից, բայց ես մերժել եմ»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ժողովուրդ». «Yeremyan Products»-ի աշխատակիցները չեն իմացել, որ իրենց անունից ՔՊ դրամահավաքին գումարներ են փոխանցվել
Բանն այն է, որ «Ժողովուրդ» օրաթերթը հետեւել եւ նկատել է, որ անձինք, որոնք փոխանցումներ են կատարել...
«Հրապարակ». Ինչու է Փաշինյանը մեկնում Ֆրանսիա
Միսաք Մանուշյանը Երկրորդ համաշխարհային պատերազմի դիմադրության հերոսներից էր, նա եւ իր խմբի...
«Հրապարակ». Տիգրան Ավինյանի մի մերձավորին կփոխարինի մեկ այլ մերձավոր
Առաջիկա օրերին նա կնշանակվի քաղաքաշինության եւ հողի վերահսկողության` ԳԱՍԿ-ի պետ: Կստացվի, որ Ավինյանի...
«Ժողովուրդ». Քերոբյանի խոսքով՝ Փաշինյանը դեռևս օգոստոսին գնացել է քննչական կոմիտե և հրահանգել, որ մեղավորները պատժվեն
Ինչո՞ւ է Փաշինյանը գնացել կոմիտե եւ հրահանգ տվել նախաքննական մարմնին, որի իրավունքը չունի, ի՞նչ գիտի...
«Ժողովուրդ». ՔՊ-ական պատգամավորները չեն ցանկանում տեղափոխվել գործադիր և ամենօրյա շփում ունենալ Փաշինյանի հետ
Տեղեկացանք նաեւ, որ պատճառն էլ այն է, որ պատգամավորները չեն ցանկանում Փաշինյանի անմիջական...
«Ժողովուրդ». Քայլեր չեն արել. փաստերով
Մասնավորապես, 2024 թվականի փետրվարի14-ին ՀՀ ԶՈՒ գլխավոր շտաբի պետի տեղակալ նշանակվեց Կարեն...
Ամենաշատ