News
Լրահոս
News
Չորեքշաբթի
Փետրվար 28
Տեսնել լրահոսը


«Սասուն» ազգագրական երգի–պարի համույթի ղեկավար, «Գաթա բենդի» համահիմնադիր Անդրանիկ սարկավագ Մանուկյանը շարունակում է ահազանգել, որ Երևանի Թումանյան 2-րդ նրբանցք 2 տուն հասցեում գտնվող իր տան հարևանությամբ կառուցվում է 12 հարկանի շենք, ինչն ապօրինի է։ Նա ահազանգել է՝ շենքի մի մասը կառուցվում է իր տարածքում, շենքն ընդամենը 3 մետր է հեռու լինելու իր տնից։

«Երկար տարիներ ես մտքով, հոգով, էլ չգիտեմ ոնց բացատրեցի կառավարությանը... Նայեք այստեղ, այսպիսի կարկուտ ու բան չեք տեսնի, իբր անվտանգություն են ապահովում»,-սոցիալական ցանցում հրապարակած տեսանյութում ասում է Անդրանիկ սարկավագը՝ ցույց տալով, թե ինչպես է՝ վերևից ցեխը թափվում իր վրա։

Նրա խոսքով, ինքը մի քանի անգամ դիմել է Նիկոլ Փաշինյանին, վերջինը տեղյակ է իրավիճակին։

«4-5 ամիս է՝ նյութերը տարել են փորձաքննության, որ պետք է եզրակացություն տան, դիտավորյալ պահում են՝ թե՛ դատախազությունը, թե՛ կառավարությունը, թե՛ քաղաքապետարանը, որ ամենամեծ հանցագործն է: Տիգրան Ավինյան, ո՞ւր ես, արի այստեղ։ Եկել ես իբր բակ ես բարեկարգում, ուզում ես՝ ինձ ոչնչացնե՞ս իմ տան մեջ։ Նայեք, տեսեք, այսպես ձգելով ոչ մի հարցի լուծում չեն տալիս: Ես այս պատմությունը գրելու եմ, որ հայն է քանդել հայի տունը: Չեք ուզում այս ապօրինությունը տեսնեք, ընդունեք եւ հարցին լուծում տաք: Եթե էսպես եք ուզում երկիրը կառուցել, չի կառուցվելու: Հիմա երեւի պետք է հայհոյեմ, իմ հունից դուրս գամ»,-ասաց նա:

Մանրամասները՝ տեսանյութում։

Տպել
Ամենաշատ