News
Լրահոս
News
Հինգշաբթի
Փետրվար 22
Տեսնել լրահոսը

Մի խումբ իրավապաշտպան կազմակերպություններ դատի են տվել Նիդերլանդների կառավարությանը՝ պնդելով, որ F-35 կործանիչների պահեստամասերի մատակարարումը նպաստում է Գազայի հատվածում միջազգային իրավունքի խախտմանը, հայտնում է AFP-ն։

Գործը վերաբերում է ԱՄՆ-ին պատկանող F-35 դետալներին, որոնք պահվում են Նիդերլանդների պահեստում և այնուհետև առաքվում են մի քանի գործընկերների, այդ թվում՝ Իսրայելին՝ գործող արտահանման համաձայնագրերի համաձայն:

Oxfam Novib-ը՝ հայց ներկայացրած խմբերից մեկը, ասում է, որ արտահանումները «Նիդերլանդներին մեղսակից են դարձրել պատերազմի օրենքները խախտելու և Գազայի խաղաղ բնակչությանը հավաքականորեն պատժելու գործում»:

Գազայի առողջապահության նախարարության տվյալներով՝ այնտեղ պատերազմը խլել է ավելի քան 15500 մարդու կյանք, որոնց կեսից ավելին կանայք և երեխաներ են։

«Զենքի մասեր մատակարարելով՝ Նիդեռլանդները վտանգում է դառնալ միջազգային մարդասիրական իրավունքի խախտման մեղսակից», - ասում է Amnesty International-ի տնօրեն Դագմար Օուդթշորնը:

Միջազգային իրավունքի փորձագետները AFP-ին ասել են, որ հակամարտող երկու կողմերի կողմից, հավանաբար, կատարվել են մարդու իրավունքների խախտումներ:

Անցյալ ամիս հոլանդացի պաշտոնյաները հայտարարեցին, որ պարզ չէ, թե արդյոք իրենք իրավունք ունե՞ն միջամտելու բեռնափոխադրումներին, որոնք ԱՄՆ-ի գլխավորությամբ F-35 բոլոր գործընկերներին մասեր մատակարարելու գործողության մաս են կազմում:

«Հիմք ընդունելով իսրայելական F-35-ների տեղակայման վերաբերյալ ընթացիկ տեղեկատվությունը, չի կարելի հաստատել, որ F-35-ները ներգրավված են պատերազմի մարդասիրական իրավունքի լուրջ խախտումների մեջ», - ասվում է կառավարության նամակում խորհրդարանին:

Սակայն հայցվորների իրավապաշտպան Լիզբեթ Զեգվելդն ասում է. «Ակնհայտ է, որ այդ ինքնաթիռներն օգտագործվում են Գազայի հատվածի վրա՝ օդային ռմբակոծություններ իրականացնելու և Գազայի հատվածում ցամաքային զորքերին օգնելու համար, մինչ մենք խոսում ենք»:

Գործով որոշումը սպասվում է մոտ երկու շաբաթից։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Եմենի հութիներն ԱՄՆ-ի հետ երկարատև առճակատման են պատրաստվում Կարմիր ծովում
Հութիներն ուժեղացնում են իրենց ռազմական և պաշտպանական կարողությունները․․․
Խամենեին քննադատել է իսլամական երկրների ղեկավարներին Իսրայելի հետ հարաբերությունները խզել չկարողանալու համար
Խամենեին նշել է, որ Գազայի ժողովուրդը ճնշված է նրանց կողմից, ովքեր․․․
ՌԴ ԱԳՆ-ն միջազգային դատարանին կոչ է արել իրավական գնահատական տալ Իսրայելի կողմից պաղեստինյան հողերի օկուպացմանը
Նշվում է, որ շարունակվող օկուպացիայի ամենատեսանելի…
Իսրայելի խորհրդարանը հավանություն է տվել Պաղեստին պետություն  ստեղծելու «թելադրանքը» մերժող բանաձևին
Փաստաթղթում նաև ընդգծվում է, որ Իսրայելը կշարունակի ընդդիմանալ Պաղեստին պետության միակողմանի ճանաչմանը, քանի որ հոկտեմբերի 7-ի ջարդերից…
Պաղեստինցիներն ուզում են համաձայնեցնել տեխնոկրատների կառավարության ստեղծումը ՌԴ-ում կայանալիք հանդիպման ժամանակ
Մոսկվայում կայանալիք հանդիպման ժամանակ մենք հուսով ենք, որ համաձայնություն ձեռք կբերվի...
Իրանի նախագահը ՄԱԿ-ի Անվտանգության խորհրդում վետո դնելուց հետո ԱՄՆ-ին մեղադրել է Գազայում ցեղասպանության մեջ
Ինչպես հաղորդում է Իրանի նախագահի մամուլի ծառայությունը, Ալժիրի ներկայացրած բանաձեւի նախագիծը...
Ամենաշատ