News
Լրահոս
News
Ուրբաթ
Փետրվար 23
Տեսնել լրահոսը

Թուրքիայի նախագահ Թայիփ Էրդողանը հայտարարել է, որ Իսրայելի վարչապետ Բենիամին Նեթանյահուն կկանգնի դատարանի առջեւ որպես ռազմական հանցագործ, նա միաժամանակ քննադատել է Իսրայելին պաշտպանող արեւմտյան երկրներին։

Ստամբուլում ելույթ ունենալով Իսլամական համագործակցություն կազմակերպության (ԻՀԿ) կոմիտեի նիստում՝ Էրդողանը հայտարարել է, որ Իսրայելին պաշտպանող արեւմտյան երկրները նրան «անվերապահ աջակցություն են ցուցաբերում մանուկների սպանություններում» եւ նրա հանցակիցն են։

«Նեթանյահուն, որն այժմ Գազայի դահիճն է, կդատվի որպես Գազայի դահիճ, այնպես, ինչպես դատեցին Միլոշեւիչին»,- ասել է Էրդողանը՝ նկատի ունենալով Հարավսլավիայի նախկին նախագահ Սլոբոդան Միլոշեւիչին, որին դատեցին ցեղասպանության, մարդկության դեմ հանցագործությունների եւ ռազմական հանցագործությունների համար Հաագայի տրիբունալում։

Ի տարբերություն իր արեւմտյան դաշնակիցների մեծ մասի եւ Պարսից ծոցի որոշ երկրների՝ ՆԱՏՕ անդամ Թուրքիան ՀԱՄԱՍ-ը չի համարում ահաբեկչական խմբավորում եւ իր մոտ ընդունել է նրա որոշ անդամների։

«Մենք պետք է անպայման գնահատենք ՄԱԿ մարդու իրավունքների խորհուրդը եւ Միջազգային քրեական դատարանն այս շրջանակում»,- ասել է նա՝ ավելացնելով, որ չի կարելի մոռանալ Իսրայելի միջուկային զինանոցի մասին։

Էրդողանը, որը վաղուց արդեն կոչ է անում բարեփոխել ՄԱԿ Անվտանգության խորհուրդը, որպեսզի այն ավելի ներառական դառնա, նաեւ հայտարարել է, որ ՄԱԿ-ը ձախողել է փորձությունը Գազայի հատվածում, եւ շտապ բարեփոխման կոչ է արել՝ կրկնելով, որ Անվտանգության խորհրդի հինգ մշտական անդամները՝ Միացյալ Նահանգները, Ռուսաստանը, Չինաստանը, Մեծ Բրիտանիան եւ Ֆրանսիան, աշխարհը չեն ներկայացնում։

«Գլխավոր քարտուղար (Անտոնիու) Գուտերիշի անկեղծ ջանքերը ենթարկվել են Անվտանգության խորհրդի անդամների սաբոտաժին»,- ասել է նա։ «Մեզանից ոչ ոք պարտավոր չէ ընդունել այդ համակարգը»,- ավելացրել է նա։ «Այդ կառուցվածքը չի կարող մարդկությանը խաղաղություն եւ հույս բերել»։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հութիները հարձակվել են բրիտանական առևտրային նավի և ամերիկյան կործանիչի վրա
Յահյա Սարիան հայտարարել է նաև Իսրայելի Էյլաթ քաղաքի վրա բալիստիկ հրթիռի և անօդաչու թռչող սարքի արձակման մասին․․․
Եմենի հութիներն ԱՄՆ-ի հետ երկարատև առճակատման են պատրաստվում Կարմիր ծովում
Հութիներն ուժեղացնում են իրենց ռազմական և պաշտպանական կարողությունները․․․
Խամենեին քննադատել է իսլամական երկրների ղեկավարներին Իսրայելի հետ հարաբերությունները խզել չկարողանալու համար
Խամենեին նշել է, որ Գազայի ժողովուրդը ճնշված է նրանց կողմից, ովքեր․․․
ՌԴ ԱԳՆ-ն միջազգային դատարանին կոչ է արել իրավական գնահատական տալ Իսրայելի կողմից պաղեստինյան հողերի օկուպացմանը
Նշվում է, որ շարունակվող օկուպացիայի ամենատեսանելի…
Իսրայելի խորհրդարանը հավանություն է տվել Պաղեստին պետություն  ստեղծելու «թելադրանքը» մերժող բանաձևին
Փաստաթղթում նաև ընդգծվում է, որ Իսրայելը կշարունակի ընդդիմանալ Պաղեստին պետության միակողմանի ճանաչմանը, քանի որ հոկտեմբերի 7-ի ջարդերից…
Պաղեստինցիներն ուզում են համաձայնեցնել տեխնոկրատների կառավարության ստեղծումը ՌԴ-ում կայանալիք հանդիպման ժամանակ
Մոսկվայում կայանալիք հանդիպման ժամանակ մենք հուսով ենք, որ համաձայնություն ձեռք կբերվի...
Ամենաշատ