News
Լրահոս
News
Երկուշաբթի
Մարտ 04
Տեսնել լրահոսը


Մենք աջակցում ենք Հայաստանի տարածքային ամբողջականությանը եւ ինքնիշխանությանը եւ ամուր ու երկարաժամկետ խաղաղությանը տարածաշրջանում։ Այս մասին «Նոր տարածաշրջանային իրողություններ» եւ «Խաղաղության խաչմերուկ» կոնֆերանսում դեկտեմբերի 5-ին ասել է Հայաստանում Իրանի Արտակարգ եւ լիազոր դեսպան Մեհդի Սոբհանին։

Նա վստահություն է հայտնել, որ նման միջոցառումները կարող են երկու երկրների համար նոր հնարավորություններ բացել։

Նրա խոսքով՝ Հայաստանի եւ Իրանի վաղեմի կապերը կարեւոր նշանակություն ունեն հարաբերությունների ներկա զարգացման համար։

«Մեր ընդհանուր սահմանը Հայաստանի հետ ամենակարճն է տարածաշրջանի այլ երկրների համեմատ, բայց որակի տեսակետից այն լավագույններից մեկն է։ Այդ սահմանը միշտ եղել է բարեկամության եւ բարիդրացիության սահման։ Երկու երկրները երբեք չեն սպառնացել միմյանց եւ միշտ հնարավորություններ են ստեղծել փոխադարձ զարգացման համար։ Մեր փոխադարձ ապրանքաշրջանառության ծավալը ավելացել է եւ հասնում է 1 մլրդ դոլարի։ Երկրները փոխշահավետ պայմանագրեր են կնքել էներգետիկայի եւ ենթակառուցվածքի զարգացման ոլորտում»,- նշել է Սոբհանին։

Նա տեղեկացրել է, որ ուսումնասիրվում է նաեւ հարաբերությունների զարգացման պոտենցիալը։

«Հաղորդակցությունների ապաշրջափակումը կնպաստի հարաբերությունների զարգացմանը ոչ միայն երկու երկրների, այլեւ տարածաշրջանի բոլոր երկրների միջեւ»,- նշել է դիվանագետը։

Նրա խոսքով՝ Հնդկաստանից մինչեւ Սեւ ծով Հայաստանով տարանցման հնարավորությունները հուսալի ճանապարհ կբացեն դեպի Եվրոպա ապրանքների շարժի համար։

Այս իմաստով դեսպանն ընդգծել է Հնդկաստանի եւ Հայաստանի կարեւորությունը այդ նախագծին մասնակցության հարցում։

Սոբհանին նշել է, որ  որքան ավելի շատ են երկրների տարանցման հնարավորությունները, այնքան ավելի բարձր է դրանց նշանակալիությունն աշխարհում։

!
Այս նյութը հասանելի է նաև   English and Русский
Տպել
Ամենաշատ