News
Լրահոս
News
Ուրբաթ
Փետրվար 23
Տեսնել լրահոսը

2021 թվականին մենք արգելեցինք սև մետաղի ջարդոնի արտահանումը, ինչի շնորհիվ կառուցվեցին և կառուցվում են մի քանի խոշոր ձեռնարկություններ։ Այս մասին դեկտեմբերի 6-ին խորհրդարանում հայտարարել է Հայաստանի էկոնոմիկայի նախարար Վահան Քերոբյանը։

Ըստ նրա, դրանց գործունեությունը հնարավորություն կտա զգալի աճի հասնել մետալուրգիական ոլորտում և ներկրվող արտադրանքը ներքին շուկայում փոխարինել տեղական արտադրության ապրանքներով։

«Կառավարությունը ձգտում է հնարավորինս ապահովել ապրանքների արտադրության ամբողջական ցիկլը՝ հումքի արդյունահանումից մինչև պատրաստի արտադրանքի ստեղծում»,- վստահեցրել է նա։

Քերոբյանը տեղեկացրել է, որ պղնձաձուլարանի կառուցման վերջնական նախագիծ չկա, սակայն այս ուղղությամբ ակտիվ աշխատանքներ են տարվում։

Նախարարը հայտնել է, որ 2023 թվականին Հայաստանի հանքարդյունաբերության ոլորտում անկում է գրանցվել։



!
Այս նյութը հասանելի է նաև   Русский
Տպել
Ամենաշատ