News
Լրահոս
News
Հինգշաբթի
Փետրվար 22
Տեսնել լրահոսը

«Maestro» մականունը ստացած բելգիահայ Գրիգոր Սարգսյանը թենիսում պայմանավորված խաղերի ամենամեծ սինդիկատի հիմնադիրն էր։ 2023-ի հունիսին Սարգսյանի, ինչպես նաև նրա հետ նույն քրգործով անցնող ևս 27 մեղադրյալի դատական գործի քննությունն ավարտվեց, և նա դատապարտվեց 5 տարվա ազատազրկման՝ հանցավոր կազմակերպություն ղեկավարելու, մեծ քանակի փողերի լվացման, խարդախության համար։

«Հետքը» պարզել է, որ Գրիգոր Սարգսյանի աջ ձեռքը՝ ՀՀ քաղաքացի Անդրանիկ Մարտիրոսյանը, որը դատապարտվել է նույն գործով, բարեկամական կապ ունի Հայաստանի ֆուտբոլային Պրեմիեր լիգայում այժմ հանդես եկող «Վեստ Արմենիա» ֆուտբոլային ակումբի հիմնադրի և տնօրենի հետ։

«Վեստ Արմենիա»-ի հիմնադիրը Անդրանիկ Մարտիրոսյանի հորեղբորորդին է՝ Վահե Մարտիրոսյանը, իսկ ակումբի տնօրենը Անդրանիկ Մարտիրոսյանի հայրն է՝ Սարգիս Մարտիրոսյանը։

Սինդիկատի ֆինանսական կառավարիչը

Հայաստանից Բելգիա արտագաղթած ընտանիքում մեծացած Գրիգոր Սարգսյանը մի քանի տարվա ընթացքում կարողացել էր կաշառել աշխարհի տարբեր երկրներից տասնյակ պրոֆեսիոնալ թենիսիստների և իր սինդիկատի անդամների միջոցով խաղադրույքներ էր կատարում բուքմեյքերական կայքերում և խոշոր գումարներ էր շահում։

Բելգիայի և եվրոպական այլ երկրների իրավապահ մարմինները մի քանի տարի հետաքննել են Սարգսյանի սինդիկատը և գործը հասել է Բելգիայի Արևելյան Ֆլանդրիայի առաջին ատյանի դատարան։

Ավելի մանրամասն՝ սկզբնաղբյուրում։

Տպել
Ամենաշատ