News
Լրահոս
News
Շաբաթ
Փետրվար 24
Տեսնել լրահոսը

Իրանը եւ Սիրիան ստորագրել են համագործակցության վեց համաձայնագիր Սիրիայի վարչապետ Հուսեյն Արնուսի Թեհրան կատարած պաշտոնական այցի ժամանակ, տեղեկացրել է Tasnim-ը։

Արնուսը հանդիպել է Իրանի առաջին փոխնախագահ Մոհամադ Մոհբերի հետ շաբաթ օրը Թեհրան կատարած պաշտոնական այցի ժամանակ։

Սիրիայի վարչապետի այցի ընթացքում գումարվել է իրանա-սիրիական տնտեսական համագործակցության Բարձրագույն կոմիտեի 15-րդ նիստը երկարատեւ ընդմիջումից հետո։

Տնտեսական նստաշրջանի արդյունքն է դարձել վեց համաձայնագրերի ստորագրումը, ներառյալ ազատ առեւտրի մասին համաձայնագիրը եւ փոխըմբռնման հուշագիրը, որոնք վերաբերում են տուրիզմին, զանգվածային լրատվամիջոցներին, սպորտին, թանգարաններին եւ գրադարաններին։

Երկու պատվիրակությունները պայմանավորվել են ծովային երթուղիներ բացելու եւ երկու պետությունների միջեւ տրանսպորտային հաղորդակցությանն աջակցելու մասին։

Ողջունելով Թեհրանի եւ Դամասկոսի միջեւ «ռազմավարական, սերտ եւ սրտագին» հարաբերությունները՝ Մոհբերը հայտնել է Իրանի վճռականությունը՝ ընդլայնելու տնտեսական համագործակցությունը Սիրիայի հետ։

«Իրանի կառավարությունը եւ ազգը հատուկ հարգանք ունեն Սիրիայի հանդեպ եւ առաջնահերթ են համարում սիրիացի ժողովրդի հանգստությունը, անկախությունը, հաջողությունը եւ բարեկեցությունը»,- ավելացրել է Իրանի փոխնախագահը։

Նա նաեւ նշել է, որ թշնամիները հուսահատված են սիրիացի ժողովրդի դիմակայությունից՝ հույս հայտնելով, որ օտարերկրյա զորքերը լիովին դուրս կբերվեն Սիրիայից եւ տարածաշրջանից։

Արնուսն իր հերթին բարձր է գնահատել իր երկրի պատմական եւ ռազմավարական խոր կապերը Իրանի հետ՝ հայտարարելով, որ սիրիացի ժողովուրդը երբեք չի մոռանա Իրանի կառավարության եւ ժողովրդի աջակցությունը։

Նա նաեւ ընդգծել է այն զգալի դերը, որն Իրանը կարող է խաղալ Սիրիայի վերականգնման գործում՝ հայտարարելով, որ Դամասկոսը Իրանը դիտարկում է որպես հիմնական գործընկեր այդ գործընթացում։

Զրուցակիցները նաեւ քննարկել են պաղեստինցի ժողովրդի տառապանքների թեթեւացման պլանները եւ դատապարտել Իսրայելի ռազմական գործողությունները Գազայի հատվածում։

!
Այս նյութը հասանելի է նաև   English and Русский
Տպել
Ամենաշատ