News
Լրահոս
News
Չորեքշաբթի
Փետրվար 21
Տեսնել լրահոսը

Կանադայի վարչապետ Ջասթին Թրյուդոն, ԱԳ նախարար Մելանի Ժոլիի հետ, հանդիպել է Սաուդյան Արաբիայի, Թուրքիայի և Պաղեստինի ինքնավարության ԱԳ նախարարների պատվիրակության հետ՝ քննարկելու Իսրայելի և ՀԱՄԱՍ-ի միջև շարունակվող հակամարտությունը, հայտնում է Կանադայի վարչապետի մամուլի ծառայությունը։

«Վարչապետը կրկնել է, որ դատապարտում է ՀԱՄԱՍ-ը և Իսրայելի վրա նրա դաժան հարձակումները։ Նա ընդգծել է, որ ՀԱՄԱՍ-ը չի ներկայացնում Պաղեստինի ժողովրդին կամ նրա օրինական ձգտումները։ Նա նաև կրկնել է մնացած պատանդներին անհապաղ ազատ արձակելու իր կոչը և ընդգծել Գազայից օտարերկրյա քաղաքացիների անվտանգ ելքը ապահովելու անհրաժեշտությունը»,- ասվում է զեկույցում։

Ընդգծվում է նաև, որ Թրյուդոն աջակցություն է հայտնել «Իսրայելի ինքնապաշտպանության իրավունքին՝ միջազգային իրավունքի, ներառյալ միջազգային հումանիտար իրավունքի համաձայն, և ընդգծել է խաղաղ բնակիչներին պաշտպանելու անհրաժեշտությունը»։

Հանդիպման մասնակիցները մտքեր են փոխանակել Գազայում տիրող հումանիտար ծանր իրավիճակի և մարդկանց կյանքեր փրկելու համար հրատապ հումանիտար օգնություն ստանալու անհրաժեշտության վերաբերյալ:

«Վարչապետ Թրյուդոն վերահաստատել է Կանադայի աջակցությունը իսրայելցիների և պաղեստինցիների՝ առանց վախի, խաղաղ, արժանապատիվ և ապահով  ապրելու  իրավունքը: Նա ընդգծել է երկու պետությունների գոյակցության հիման վրա կարգավորման ջանքերի վերսկսման կարևորությունը՝ տարածաշրջանում կայուն խաղաղություն ապահովելու համար»,- ասվում է հաղորդման մեջ։

 

!
Այս նյութը հասանելի է նաև   Русский
Տպել
Ամենաշատ