News
Լրահոս
News
Երեքշաբթի
Փետրվար 27
Տեսնել լրահոսը


Կարծում եմ՝ խաղաղության պայմանագիրը հենց նրա մասին է, որ ինչ-որ ռևանշներ չեն լինի. եթե ինչ-որ ռևանշներ պետք է լինեն, ապա էլ ի՞նչ խաղաղության պայմանագիր: Այս մասին այսօր՝ դեկտեմբերի 11-ին, ԱԺ-ում լրագրողների հետ զրույցում նշեց ԱԺ ֆինանսավարկային և բյուջետային հարցերի մշտական հանձնաժողովի նախագահ, ՔՊ-ական պատգամավոր Գեւորգ Պապոյանը՝ պատասխանելով դիտարկմանը, որ Ադրբեջանի նախագահը երաշխիքներ է պահանջում, որ ռևանշ չի լինելու, ու հստակ ձևակերպումներ է պահանջում:

«Բացի այդ, եթե ուզում ենք Հայաստանի Հանրապետությունը ամրապնդվի տևական ժամանակ, և այստեղ երկար ժամանակ պետականություն լինի, ապա այդ ճանապարհը ուղիղ անցնում է հարևանների հետ երկխոսության միջոցով: Խաղաղության պայմանագիրը որքան անհրաժեշտ է իրենց, այնքան անհրաժեշտ է մեզ: Ինձ համար այդ պայմանագիրը նրա մասին է, որ այստեղ տևական ժամանակ խաղաղություն լինի:

Պայմանագրի կնքումից հետո ես պատկերացնում եմ այնպիսի միջավայր Հարավային Կովկասում, որը բերելու է բոլոր մակարդակներում ինտեգրացիաների և ոչ միայն խաղաղության, նաև տնտեսական հարաբերությունների զարգացման, բարգավաճման, կենսամակարդակի էական ավելացման»,- նշեց պատգամավորը:

Հարցին, թե այդ դեպքում, ինչով են պայմանավորված ադրբեջանական կողմի վախերը, պատգամավորը դժվարացավ պատասխանել:

«Եթե Հայաստանը հայտարարի, որ ռևանշի է պատրաստվում, դա ուղիղ ճանապարհ է Հայաստանի Հանրապետություն չլինելուն: Կլինեն արտաքին ուժեր, որոնք Հայաստանում կհրահրեն այդպիսի տրամադրություններ և այդպիսի բառապաշար, որովհետև այդ ուժերին պետք չի, որ ՀՀ լինի: Ուրիշի ձեռքով շագանակ հանելու քաղաքականությունը շատ տրամաբանական է այդ ուժերի համար, և մենք չպետք է գործիք դառնանք երրորդ երկրների ձեռքում:

Կլինեն Հայաստանում մարդիկ, որոնք տարբեր ճոռոմաբանություններով հայրենասիրական, այդ բառապաշարն առաջ կտանեն, բայց այդ գործընթացը տեսել ենք՝ ինչպես է տեղի ունեցել, այդ պրոցեսները, երբ հայ ժողովրդին տրամադրում են, վերջում միայնակ են թողնում»,- նշեց Պապոյանը՝ բերելով Վանի ինքնապաշտպանության օրինակը, 1,5 միլիոն մարդու ցեղասպանությունը, մարդկանց հայրենազրկումը իրենց պատմական բնօրրանից:

Նրա խոսքով՝ պետք է դուրս գալ այդ փակ ցիկլից:

Լրագրողներից մեկի հարցին՝ կա՞ն արդյոք բանակցային գործընթացում ադրբեջանական կողմի պահանջի բավարարման գործողություններ, Պապոյանը նշեց, թեև այդ մասով տեղեկատվության չի տիրապետում, սակայն  անտրամաբանական է խաղաղության պայմանագիր կնքելուն պատրաստվելուն զուգընթաց մտածել ռևանշի մասին, քանի որ ռևանշի մասին մտածող ժողովուրդը չի կարող կնքել խաղաղության պայմանագիր: 

Նրա խոսքով՝ խաղաղության վերջնակետը լինելու է սահմանների դելիմիտացիան և դեմարկացիան, և  սահմաններին ոչ թե զինվորների, այլ սահմանապահների առկայություն, փոխադարձ կապերի վերականգնում և այլն:

«Այս ամենը եթե չեղավ, խաղաղություն էլ չի լինելու»,- ասաց պատգամավորը՝ ընդգծելով, որ Հայաստանի և Ադրբեջանի քաղաքացիներին պետք է պատրաստել խաղաղության:

Հարցին, թե արդյոք Ադրբեջանը պատրա՞ստ է խաղաղության, Պապոյանը պատասխանեց՝ եթե ադրբեջանական կողմը կնքի պայմանագիր, ուրեմն պատրաստ է, եթե չկնքի, ուրեմն պատրաստ չէ: 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ստացվում է՝ մեր անվտանգության միակ երաշխավորը Բաքուն է. Խաղի այս կանոնը որդեգրել է նաեւ ՀՀ իշխանությունը. Ռուստամյան
Բանակցություն, ըստ էության, գոյություն չունի Հայաստանի և Ադրբեջանի միջև. բանակցությունը նշանակում է՝  ամեն կողմը գոնե պաշտպանում է  իր շահերը…
Ադրբեջանն ու Թուրքիան քննարկել են իրավիճակը Հայաստանի հետ սահմանին
Հանդիպումներին ներկայացվել են թուրքական արտադրության տարբեր տեսակի ինքնաթիռների մոդելներ...
Հուսանք՝ ԱԳ նախարարների առաջիկա հանդիպմանը հնարավոր կլինի առաջընթաց արձանագրել. Փաշինյան
Հունաստանի վարչապետի հետ քննարկել ենք  տարածաշրջանային, միջազգային...
«Արմենպրես». Ադրբեջանին պետք է փոխանցել ուղերձը՝ ուժի սպառնալիքը հետևանքներ կունենա. Ստանո
Մենք, իհարկե, դատապարտում ենք կյանքի յուրաքանչյուր կորուստ, որտեղ էլ որ տեղի ունենա, ինչ հանգամանքներում էլ լինի…
Մենք աներկբա դատապարտում ենք ուժի կիրառումը և սատարում բանակցությունների գործընթացին. Հունաստանի նախագահը՝ Փաշինյանին
Կայացել է վարչապետ Փաշինյանի և Հունաստանի նախագահ Կատերինա Սակելլարոպուլուի հանդիպումը...
Պատժամիջոցների կիրառումը կարող է խանգարել խաղաղության գործընթացի արդյունավետ ընթացքին. Վինքելմայեր-Բեքեր
Անշուշտ, արդարացի են հնարավոր պատժամիջոցներ կիրառելու այն բոլոր փաստարկները, որոնք դուք բերում եք, բայց ես կարծում եմ, որ պատժամիջոցները...
Ամենաշատ