News
Լրահոս
News
Ուրբաթ
Մարտ 01
Տեսնել լրահոսը

Ֆրանսիայի Մարսել քաղաքում ուղտը փախել է կրկեսից և խաթարել երթեւեկությունը շրջանաձև խաչմերուկում, միջադեպը տեղի է ունեցել քաղաքում առանց այն էլ դժվարին երթևեկության պայմաններում՝ տաքսու վարորդների բողոքի ակցիաների պատճառով՝ ընդդեմ բժշկական փոխադրումների նոր պահանջների, երկուշաբթի հաղորդում է BFMTV-ն:

Մարսելում հարյուրավոր տաքսու վարորդներ բողոքի ցույց են անցկացրել սոցիալական ապահովության բյուջեի մասին նոր օրենքի հոդվածներից մեկի դեմ, ինչը վարորդներին կպարտավորեցնի միաժամանակ տեղափոխել բժշկի մոտ գնացող մի քանի ուղեւոր։ Այս առումով քաղաքի մուտքերը մասամբ կամ ամբողջությամբ փակվել են հսկայական խցանումների պատճառով։

«Մարսելի կրկեսից փախած մի ուղտը խաթարել է երթևեկությունը շրջանաձև խաչմերուկում», - ասվում է հեռուստաալիքի հայտարարության մեջ:

Կենդանուն նկատել են ճանապարհին` քաղաքի առևտրի կենտրոններից մեկի մոտ: Ականատեսների կողմից հեռուստաալիքին տրամադրված տեսանյութում երևում է, թե ինչպես են մեքենաները ստիպված են լինում խուսափել խաչմերուկում ուղտից, ինչի հետևանքով այդ հատվածում երթևեկությունը խափանվել է:

Ուղտը մեկ ժամ մնացել է ազատության մեջ, որից հետո նրան վերադարձրել են տերերին, հայտնում է BFMTV-ն։

!
Այս նյութը հասանելի է նաև   Русский
Տպել
Ամենաշատ