Ամերիկայի Հայ դատի հանձնախմբի (ANCA) նախագահ Քեն Խաչիկյանը կոչ է արել օգնել Ջավախքի հայ բնակչությանը եւ հանգանակություններով աջակցել Վրաստանի այդ հայաբնակ տարածաշրջանի զարգացմանը:
Հայտարարությունում նշվում է, որ Ջավախքի հայ երեխաները չունեն բավարար սնունդ եւ մաքուր ջուր, հայ մնալու ցանկություն ունեցող ջավախահայերը թշվառությունից ստիպված լքում են հայրենի հողը, իսկ հայկական տարածաշրջանին սպառնում է Նախիջեւանի ճակատագիրը:
Խաչիկյանը կոչ է արել հանգանակություններով օգնել Ջավախքի տնտեսական զարգացմանը, քաղաքական ինքնավարությանն ու ազգային ինքնությանը: