Այսօր տղամարդկանց միջազգային օրն է (World Men's Day), եւ այն աշխարհի օրացույցում հայտնվել է ԽՍՀՄ առաջին նախագահ Միխայիլ Գորբաչովի ջանքերով:
Միխայիլ Գորբաչովն առաջարկն արել է 2000 թվականին` «անցյալի մնացորդ» փետրվարի 23-ին որպես հակակշիռ:
Նա առաջարկել է վերջ դնել տղամարդկանց նկատմամբ խտրական վերաբերմունքին եւ պատվել նրանց, անկախ այն հանգամանքից` կատարել են զինվորական պարտքը հայրենիքի առջեւ, թե ոչ, գրում է «СЕГОДНЯ.ua»-ը:
ԽՍՀՄ նախկին նախագահ Միխայիլ Գորբաչովի առաջարկին հավանություն տվեցին Վիեննայի մագիստրատը, ՄԱԿ-ի բաժանմունքը Վիեննայում եւ մի շարք այլ միջազգային կազմակերպություններ:
Տղամարդկանց միջազգային օրն ավանդաբար տոնում են նոյեմբերի առաջին շաբաթ օրը: «Որպես նվեր` այդ օրը տղամարդիկ, առաջին հերթին, կնոջ ուշադրության կարիք են զգում: Տղամարդիկ երջանիկ են, եթե կանայք անկեղծ ուրախությամբ պատրաստ են դա մատուցել», - գրում է «Аргументы и факты»-ն:
