News
Լրահոս
News
Երկուշաբթի
Ապրիլ 15
Տեսնել լրահոսը

Փետրվարի 17-ին, ժամը 22։14-ին Արարատի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Ոսկետափ գյուղի կամրջի մոտակայքում տեղի է ունեցել ՃՏՊ՝ կա տուժած. անհրաժեշտ է փրկարարների օգնությունը։Հայտնում են ՆԳՆ փրկարար ծառայությունից:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Երևան-Երասխ ավտոճանապարհի 37-րդ կմ-ին բախվել են «Mercedes-Benz» (վարորդ՝ Ա․ Ս․, ծնվ.1998 թ.) և «VAZ» (վարորդ՝ Ս․ Բ․, ծնված 2000 թ.) մակնիշների ավտոմեքենաները, ինչի հետևանքով «Mercedes-Benz» մակնիշի ավտոմեքենան դուրս է եկել ճանապարհի երթևեկելի հատվածից և հայտնվել դաշտամիջյան հատվածում։

Մինչ փրկարարների կանչի վայր հասնելը՝ ավտոմեքենաների վարորդները հոսպիտալացվել են բժշկական կենտրոն, որտեղ բժիշկները նրանց առողջական վիճակը գնահատել են միջին ծանրության, իսկ «VAZ» մակնիշի ավտոմեքենայի ուղևոր Հ․ Ի․-ն (ծնված 1972 թ․) տեղափոխվել է բժշկական կենտրոն, որտեղ ստանալով համապատասխան  բուժօգնություն՝ դուրս է գրվել։

Փրկարարները հոսանքազրկել են ավտոմեքենաները և փակել գազի բալոնների փականները։

Shamshyan-ի հաղորդմամբ՝ վթարի հետևանքով վարորդներն ու Ստեփան Բ․-ի ուղևոր, Արարատի մարզի բնակիչ 52-ամյա Հ․ Ի․-ի մարմնական վնասվածքներով տեղափոխվել են Արտաշատ բժշկական կենտրոն, որտեղից Արտյոմ Ս․-ն ծայրահեղ ծանր վիճակում տեղափոխվել է Երևանի հիվանդանոցներից մեկը։

Վթարի փաստով Վեդիի քննչական բաժնում նախաձեռնվել է քրեական վարույթ։

Աղբյուրի տեղեկություններով՝ վիրավորներից Արտյոմ Ս․-ն ծառայում է ՀՀ ՊՆ N զորամասում՝ որպես պայմանագրային զինծառայող։

!
Այս նյութը հասանելի է նաև   Русский
Տպել
Ամենաշատ