News
Լրահոս
News
Հինգշաբթի
Ապրիլ 18
Տեսնել լրահոսը

Հունաստանի խորհրդարանի երեք ընդդիմադիր կուսակցությունների անդամները դուրս են եկել Տեմպեի գնացքի վթարը հետաքննող խորհրդարանական հանձնաժողովի կազմից՝ մեղադրելով իշխող «Նոր դեմոկրատիա» կուսակցությանը վթարը «քողարկելու և մեղավորներին արդարացնելու փորձի մեջ»,- գրում է «Kathimerini»-ն։

«Մեր ներկայությունն ու մասնակցությունը քննչական կոմիտեի գործողություններին շարունակելը լեգիտիմություն կհաղորդի իշխող մեծամասնության՝ Տեմպեում հանցագործության մեղավորներին արդարացնելու որոշմանը: Մենք չենք ընդունի այս մեծության հանցագործության կոծկումը»,- հայտարարել են գլխավոր ընդդիմադիր «SYRIZA» կուսակցության չորս պատգամավորներ՝ լքելով հանձնաժողովը:

Նրանք մեղադրել են հանձնաժողովի նախագահին «լիազորությունները չարաշահող և մերժողական կեցվածք» դրսևորելու մեջ։

Սոցիալիստական «ՊԱՍՕԿ» կուսակցության պատգամավորները նույնպես դուրս են եկել հանձնաժողովի կազմից՝ մեղադրելով «Նոր դեմոկրատիայի» պատգամավորներին «հանձնաժողովի աշխատանքը փակուղի մտցնելու մեջ»:

Ծայրահեղ աջ «Սպարտացիներ» կուսակցության պատգամավորները մեղադրել են կառավարությանը խորհրդարանական հետաքննությունը «վիթխարի ֆիասկոյի» վերածելու մեջ՝ վկայակոչելով տրանսպորտի նախկին նախարարի ցուցմունքների հետ կապված խնդիրները և բողոքելով, որ հիմնական վկաները չեն կանչվել ցուցմունք տալու:

Գնացքների բախումը տեղի էր ունեցել 2023 թվականի փետրվարի 28-ի ուշ երեկոյան, երբ հյուսիս մեկնող մարդատար գնացքը սխալմամբ մտել էր հարավային ուղի, որով շարժվում էր հանդիպակաց բեռնատար գնացքը: Զոհվել էր 57 ուղեւոր, այդ թվում՝ երկու գնացքների մեքենավարները։

!
Այս նյութը հասանելի է նաև   Русский
Տպել
Ամենաշատ