News
Լրահոս
News
Երեքշաբթի
Ապրիլ 16
Տեսնել լրահոսը

ԱՄՆ-ում բջջային ցանցերի շահագործման մեջ ավելի քան 120 հազար խափանում է գրանցվել ամենաուժեղ X դասի արևային երկու բռնկումներից հետո։ Օվկիանոսների և մթնոլորտի ազգային վարչության (NOAA) տվյալներով՝ աստղի արտանետումները տեղի են ունեցել փետրվարի 21-ին և 22-ին։

Ժայթքումների հզորությունը համապատասխանաբար եղել է X1.8 և X1.7։

Հինգշաբթի օրը՝ փետրվարի 22-ին, բջջային հեռախոսների զանգվածային անջատումների ալիքը տարածվեց Միացյալ Նահանգներում։ Associated Press լրատվական գործակալության փոխանցմամբ՝ բջջային կապի ամերիկյան խոշորագույն օպերատորները՝ AT&T, Verizon, T-Mobile և այլն, հայտնել են բջջային ցանցերի աշխատանքի ընդհատումների մասին։

NOAA փորձագետները նախազգուշացրել են ուժեղ մագնիսական փոթորիկների հնարավորության մասին, որոնք առաջանում են կորոնային զանգվածի արտանետումների (CMEs) և արևային ճառագայթման հետևանքով, որոնք ուղեկցում են արևային բռնկումներին:

GPS և Glonass արբանյակային կապի համակարգերի խափանումներ են եղել նաև Ավստրալիայում, Ինդոնեզիայում, Հնդկաստանում և Արևելյան Աֆրիկայում:

Դեռևս պարզ չէ, թե արդյոք երկու իրադարձությունները կապ ունեն, բայց ԱՄՆ-ում բջջային հեռախոսների խափանումների մասին հաղորդումները հետևեցին արևի արտանետումներից անմիջապես հետո:

Միևնույն ժամանակ, որոշ գիտնականներ կարծում են, որ տեղի ունեցածը կարող էր զուտ պատահականություն լինել, քանի որ արևային բռնկումները խաթարում են կապի համակարգերը Երկրի ցերեկային կողմում, մինչդեռ միջադեպի պահին Հյուսիսային Ամերիկայում դեռ գիշեր էր:

NOAA-ն նաև նշել է, որ Արեգակի արտանետված պլազման Երկիր կհասնի փետրվարի 25-ին: Աստղային նյութի մեծ մասը կանցնի մեր մոլորակի կողքով, բայց փետրային հատված կարող է հարվածել Երկրին շոշափելի հետագծով:

!
Այս նյութը հասանելի է նաև   Русский
Տպել
Ամենաշատ