News
Լրահոս
News
Երկուշաբթի
Ապրիլ 15
Տեսնել լրահոսը

Մենք միշտ ելնելու ենք օպերատիվ կարիքներից, որոնք կստացվեն հայ գործընկերներից, մենք պետք է առաջարկություններ անենք՝ ելնելով այդ կարիքներից՝ լինի դա զենք, թե պաշտպանական նպատակներով կադրերի պատրաստում։ Այս մասին փետրվարի 23-ին Երեւանում ՀՀ պաշտպանության նախարար Սուրեն Պապիկյանի հետ համատեղ ճեպազրույցում ասել է Ֆրանսիայի պաշտպանության նախարար Սեբաստյան Լեկորնուն։

«Առաջնահերթությունը Հայաստանի համար զենքի գնումն է և դրա հավանական օգտագործման համար կադրերի պատրաստումը։ Առանց վերահսկողության միջոցների հնարավոր չէ խոսել սահմանների պաշտպանության մասին»,- նշել է նա։

Նախարարը հավելեց, որ այն ամենը, ինչ օգտագործվում է ֆրանսիական բանակում, արտադրվում է Ֆրանսիայում։

«Մեր երկիրն այս հարցում ինքնաբավ է, ինչը հնարավորություն է տալիս լուծել արտահանման խնդիրները և վարել անկախ դիվանագիտություն»,- ընդգծել է Լեկորնուն։

Նա նշեց, որ սոցցանցերում Ֆրանսիայի դիրքորոշումը հաճախ խեղաթյուրվում է, ակնհայտորեն նկատի ունենալով Ադրբեջանի դիրքորոշումը, որն անընդհատ Փարիզին մեղադրում է Հարավային Կովկասում իրավիճակը ապակայունացնելու փորձերի մեջ։

Արամ Դանիելյան

!
Այս նյութը հասանելի է նաև   English and Русский
Տպել
Ամենաշատ