News
Լրահոս
News
Կիրակի
Ապրիլ 21
Տեսնել լրահոսը


Ուկրաինայի նախագահ Վլադիմիր Զելենսկու այցը Հայաստան չեմ բացառում, որովհետեւ Զելենսկին, Փաշինյանը, Ալիեւը, գոնե Արցախի հարցում, գաղափարակից ընկերներ են: Այս մասին այսօր՝ փետրվարի 26-ին, լրագրողների հետ զրույցում ասաց ԱԺ «Հայաստան» խմբակցության պատգամավոր Արթուր Խաչատրյանը։

«Զելենսկու նախագահության օրոք Կիեւում «Ղարաբաղն Ադրբեջան է» տողերով պաստառներ էին կախել, Զելենսկին շնորհավորում էր Ալիեւին՝ տարածքային ամբողջականության վերականգնման առիթով: Փաշինյանը նույն քաղաքականության կրողն է, չեմ զարմանա, որ հրավիրած լինի: Հայաստանին դա ռիսկերից եւ վտանգներից բացի ոչինչ չի տա: Ինքը ոչինչ չի տա Հայաստանին, ի՞նչ իմաստ ունի լարել հարաբերությունները որեւէ երկրի հետ հանուն ոչնչի։ Էն աստիճանի ենք ընկել, որ հույսներս Զելենսկի՞ն է։ Ես որեւէ ռացիոնալ բացատրություն չունեմ, թե ինչու է ինքը գալիս Հայաստան։ Կարծում եմ՝ ինքն ավելի լուրջ բաներ ունի անելու իր երկրում, բայց դա իր երկիրն է, ինչ ուզում է՝ անի։ Ես մի բան գիտեմ, որ մի մարդու մուտք Հայաստան, որը շնորհավորում է Ալիեւին՝ տարածքային ամբողջականությունը վերականգնելու համար, չպետք է լիներ»,- նշեց նա։

Խաչատրյանը խոսելով Հայաստանի ՀԱՊԿ-ի հետ անդամակցության սառեցման մասին, ասաց․ «Կիսահղի չեն լինում, եթե հայտարարում ես, պաշտոնապես պիտի հայտարարես: Իսկ այլընտրանքը ո՞րն է: Այս խառը օրերին, երբ աշխարհում անվտանգային մարտահրավերները խիստ սրվել են, նույնիսկ տրադիցիոն չեզոք Ֆինլանդիան եւ Շվեդիան, դիմեցին եւ անդամակցեցին ՆԱՏՕ-ին: Հիմա Փաշինյանն ասում է արտաբլոկային քաղաքականություն է վարում: Աղվեսի մռութը խաղողին չհասավ, ասաց, խաղողը թթու է: ՀԱՊԿ-ում իր հարաբերությունները գործընկերների հետ նախանձելի չեն, սկսած Յուրի Խաչատուրովին ձերբակալելուց․ ՆԱՏՕ-ն էլ չի ընդունում Հայաստանին, ինքն էլ ՀԱՊԿ-ում չի ուզում մնալ, ասում է՝ ես կմնամ մենակ»։

Հարցին՝ Ֆրանսիան Հայաստանի համար ռեալ անվտանգության դաշնակից կարո՞ղ ենք համարել, պատգամավորն ասաց․ «Ցանկացած երկիր, ցանկացած աջակցություն, որը կբարձրացնի Հայաստանի պաշտպանունակությունը, իհարկե ողջունելի է, հաշվի առնելով Հայաստանի առաջ ծառացած անվտանգային մարտահրավերները»։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ինչո՞ւ Ռուսաստանը համաձայնեց խաղաղապահներին դուրս բերել Ղարաբաղից. «Stratfor»-ի վերլուծաբանի կարծիքը
Երկրորդ, ավելի կարևոր պատճառն է Ռուսաստանի համար՝ ցույց տալ, որ Հարավային Կովկասում նոր ռազմավարության շրջանակներում պատրաստ է հնարավորինս ցույց տալ...
ՌԴ զորախումբը Արցախից  տարածքից դուրսբերումն անընդունելի է. Արցախի ԱԺ 3 խմբակցություններ
Նման որոշումների կայացումն առանց տարածաշրջանի բնիկ ժողովրդի՝ արցախահայության ներկայացուցիչների հետ քննարկումների...
Արցախցիների շուրջ 65%-ը չի ուզում արտագաղթել ՀՀ-ից. Մնացածի 35 %-ի մեծ մասը ձգտում է արտագաղթել ՌԴ. Արցախի ՄԻՊ
Այս թվերի հետևում մարդիկ են՝ հայրենիքում ապրելու ցանկության ու ճարահատ արտագաղթելու երկընտրանքի միջև…
Եվրախորհրդարանում համաժողով է անցկացվել՝ նվիրված Հայոց Ցեղասպանությանը եւ ԼՂ-ում Ադրբեջանի իրականացրած էթնիկ զտմանը
Եվրոպական խորհրդարանում տեղի է ունեցել «Ոգեկոչել Հայոց Ցեղասպանությունը....
Ռուբեն Վարդանյանը արդեն 14 օր է` հացադուլ է հայտարարել. նա  պահանջում է բոլոր հայ բանտարկյալների անհապաղ ազատ արձակումը
Անհապաղ և անվերապահորեն ազատ արձակել ապօրինաբար կալանավորված բոլոր հայ բանտարկյալներին, այդ թվում՝ Ռուբեն Վարդանյանին...
ԱՄՆ Կոնգրեսում ամերիկյան իշխանություններից պահանջել են հայության ապահով վերադարձ Արցախ
Ապրիլի 17-ին, ԱՄՆ Կոնգրեսի զույգ պալատների հանրապետական և դեմոկրատ շուրջ քսան օրենսդիրների մասնակցությամբ, Կոնգրեսում անցկացվել է ապրիլի 24-ին…
Ամենաշատ