News
Լրահոս
News
Կիրակի
Ապրիլ 14
Տեսնել լրահոսը

Չինաստանը Վրաստանի քաղաքացիների համար ներդնում է առանց վիզայի մուտքի ռեժիմ, այսօր կառավարության նիստի ժամանակ հայտնել է վարչապետ Իրակլի Կոբախիձեն, հայտնում է «Новости-Грузия»-ն:

Վարչապետի խոսքով, քաղաքացիները կարող են Չինաստանում առանց վիզա գտնվել 30 օր շարունակ:

Սակայն առանց վիզային ռեժիմի համակարգի ուժի մեջ մտնելու օրը չի նշվում:

Նախորդ տարի Վրաստանն ու Չինաստանը հայտարարել էին ռազմավարական գործընկերության մասին:

Վրաստանը Չինաստանի քաղաքացիների համար առանց վիզային ռեժիմ է սահմանել կրկին 30 օրով 2023 թվականի սեպտեմբերի 11-ից:

Անցած շաբաթ վարչապետ Իրակլի Կոբախիձեն խոսել էր Վրաստանի և ԱՄՆ-ի միջև «հարաբերությունների թուլացման» և այս ֆոնին Չինաստանի աճող հետաքրքրության մասին։

Նրա խոսքով, մի քանի տարի Վրաստանի և ԱՄՆ-ի միջև բարձր մակարդակով այցեր չեն կատարվել, իսկ Վրաստանի ղեկավարությունն արդեն ութ տարի չի ստացել ոչ մի շնորհավորական նամակ Վաշինգտոնից: Կոբախիձեն նաև հիշատակել է ուղիղ ավիաչվերթների բացակայության և ԱՄՆ-ում Վրաստանի քաղաքացիների համար գործող վիզային ռեժիմի մասին։

!
Այս նյութը հասանելի է նաև   English and Русский
Տպել
Ամենաշատ