News
Լրահոս
News
Երեքշաբթի
Ապրիլ 23
Տեսնել լրահոսը


Բոլորի մոտ տպավորություն կա, որ նման հարցերը կուլիսային լուծումներ պետք է ստանան, բայց ոչ, նման հարցերը պետք է ստանան իրավական լուծում, եւ իրավական լուծումից այն կողմ որեւէ քննարկում անտեղի է: Այս մասին, այսօր՝ փետրվարի 27-ին, ԱԺ-ում լրագրողների հետ զրույցում նշեց ԱԺ նախագահ Ալեն Սիմոնյանը՝ անդրադառնալով նրան, որ էկոնոմիկայի նախարարությունում հայտնի սկանդալային գործի շրջանակներում կալանավորվել էր նաեւ իր եղբոր կինը՝ Անի Գեւորգյանը, որը հետ ազատ էր արձակվել:

«Չի կարող իմ եղբայրը կամ ես հանցագործություն գործենք եւ չգիտեմ, երկրի վարչապետը, ՍԴ նախագահը կամ որեւիցե այլ պաշտոնյա, կանչի կուլիսում քննարկի ու ասի՝ գիտես ինչ, քանի որ դու ես կամ քո եղբայրն է, արի էս գործը ծածկադմփոց անենք: Ես համոզված եմ, որ մեղադրանքը սխալ է, եւ իմ բարեկամի վերաբերյալ մասը ժամանակի ընթացքում պարզ կլինի, որ այդտեղ սխալմունք է տեղի ունեցել: Բայց դա չի նշանակում, որ համակարգը, պետությունը պետք է կուլիսային արդարադատություն իրականացնի: Դա անհնար է եւ անընդունելի է»,-ասաց նա:

Անդրադառնալով նրան, որ ՔՊ-ական պատգամավորները միջնորդություն էին ներկայացրել իր եղբոր կնոջ եւ եւս մեկ կնոջ համար փոխել խափանման միջոց կալանքը, ԱԺ նախագահն ասաց. «ՔՊ-ն չի խառնվել գործին, արդար է, թե ոչ, ով է մեղավոր կամ մեղավոր չի: Ես պնդում եմ, եւ կարծում եմ, որ ՀՀ-ում անընդունելի է, որ դատարանը որոշում է կայացնում որեւէ մանկահասակ երեխայի մոր նկատմամբ կալանք ընտրել, երբ կան տարբեր միջոցներ: Կա խոսակցություն, որ էլի նման դեպք է եղել, եւ ես առիթից օգտվելով ներողություն եմ խնդրում, որ չեմ իմացել դրա մասին: Դա իմ մեղավորություն է: Կարծում եմ՝ կանեի նույնը, ինչ արեցի այս դեպքում: Անկախ նրանից ով է, մանկահասակ երեխա ունեցող կնոջ նկատմամբ կալանք ընտրելն անթույլատրելի է: Ես չգիտեմ՝ ինչ դեպք պետք է լինի, որ նման որոշում կայացվի»:

Ալեն Սիմոնյանը նաեւ հայտարարեց, որ եթե պարզվի, որ անձը մեղավոր է, նա պետք է կրի համապատասխան պատիժ՝ անկախ նրանից, թե նա ով է. «Դա բոլորին է վերաբերում, բայց ես կարծում եմ, որ դա անհնար է, որովհետեւ երբ ծանոթացել եմ այն ամենին, ինչ  մեղսագրվում է, իմ համոզմունքն ամրապնդվել է», - հայտարարեց Ալեն Սիմոնյանը:

Հիշեցնենք, որ դատախազը 2024 թվականի հունվարի 31-ին և փետրվարի 15-ին հանրային քրեական հետապնդումներ էր հարուցել ՀՀ էկոնոմիկայի նախարարության պաշտոնատար անձանց նկատմամբ՝ Քրեական օրենսգրքի 441-րդ հոդվածի 2-րդ մասի 4-րդ կետով (պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը), իսկ առևտրային կազմակերպության ղեկավարի և աշխատակիցների նկատմամբ՝ նույն արարքին հանցակցելու համար (Քրեական օրենսգրքի 46-441-րդ հոդվածի 2-րդ մասի 4-րդ կետ):

Այս գործով կալանավորվել էին նաեւ ԱԺ նախագահ Ալեն Սիմոնյանի եղբոր կինը՝ Անի Գեւորգյանը, եւ Լիլի Մկրյանը: Նրանց նկատմամբ կալանքը փոխելու երաշխավորությամբ դիմել էին ԱԺ ՔՊ խմբակցության պատգամավորները: Դատախազը սեփական նախաձեռնությամբ փոխել էր երկու կանանց խափանման միջոց կալանքը:

Ավելի ուշ նույն գործի շրջանակներում տնային կալանք խափանման միջոց էր կիրառվել էկոնոմիկայի նախկին նախարար Վահան Քերոբյանի նկատմամբ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Երևանում բախվել են 38 երթուղու ավտոբուսն ու «Toyota»-ն. մեկ մարդ հոսպիտալացվել է
Այսօր՝ ապրիլի 23-ին, ավտովթար է տեղի ունեցել Երևանում…
«Արմավիր» ՔԿՀ-ի կալանավորված անձի համար նախատեսված հանձնուքում հայտնաբերվել է թմրանյութին նմանվող հեղուկ զանգված
ՀՀ ԱՆ քրեակատարողական ծառայության կենտրոնական մարմնի օպերատիվ...
Փրկարարները կտրել և հեռացրել են Շինարարների փողոցում դեպի ճանապարհի երթևեկելի գոտի կախված ծառը
Ապրիլի 22-ին, ժամը 23:29-ին Ճգնաժամային կառավարման ազգային կենտրոն…
Հրազդանի կիրճում վագոն-տնակներ են այրվել. Ջերմահարվել է 3 ծառ
Ապրիլի 22-ին, ժամը 20:19-ին Ճգնաժամային կառավարման ազգային կենտրոն ահազանգ է ստացվել, որ Երևանի...
Օշականում «ՎԱԶ»-ը դուրս է եկել երթևեկելի հատվածից և բախվել տներից մեկի դարպասին․ 21-ամյա վարորդը վիրավոր է
Ապրիլի 22-ին, ժամը 21:39-ին Արագածոտնի մարզային փրկարարական վարչության ճգնաժամային կառավարման...
Ապօրինի արդյունահանում՝ վարձակալածից դուրս տարածքներում. Ամասիայի և Անիի ոստիկանների բացահայտումները
Առանց համապատասխան թույլտվության և պայմանագրի համայնքի սեփականութուն հանդիսացող գյուղնշանակության տարածքում ապօրինի...
Ամենաշատ