News
Լրահոս
News
Երեքշաբթի
Ապրիլ 16
Տեսնել լրահոսը

Շվեյցարական Ցյուրիխ քաղաքի քաղաքապետարանի աշխատակիցները համակարգչի անսարքության պատճառով փետրվարի համար երկու անգամ աշխատավարձ են ստացել, այժմ նրանց խնդրում են լրացուցիչ գումարը վերադարձնել։ Այս մասին հայտնում է AFP-ն։

Ցյուրիխի ֆինանսական մարմինը բացատրել է, որ աշխատողները երկու անգամ վարձատրվել են տվյալների մշակման ժամանակ տեխնիկական սխալի պատճառով: Դա հանգեցրել է նրան, որ մարդիկ ստացել են հավելյալ 175 միլիոն շվեյցարական ֆրանկ (200 միլիոն դոլար):

Ինչպես պարզվել է, սխալը կապված էր Swisscom հեռահաղորդակցության օպերատորի մատակարարի ծրագրային ապահովման հետ, որն օգտագործում էր Ցյուրիխի Կանտոնալ բանկը։

«Swisscom»-ը գիտակցում է այս միջադեպի պայթյունավտանգ էությունը և հայցում է ձեր ներողամտությունը պատճառված ցանկացած անհարմարության համար», - ասել է ընկերությունը՝ հավելելով, որ հետաքննում է միջադեպը:

Բանկում նշել են, որ քաղաքապետարանի աշխատակիցները պետք է վերադարձնեն սխալ վճարված գումարները, և համագործակցում են իշխանությունների հետ, որպեսզի դա հնարավորին չափ հարմար լինի։

!
Այս նյութը հասանելի է նաև   Русский
Տպել
Ամենաշատ