News
Լրահոս
News
Շաբաթ
Ապրիլ 13
Տեսնել լրահոսը

Չնայած Իսպանիայի վարչապետ Պեդրո Սանչեսի՝ Կատալոնիայի անկախության շարժումը կասեցնելու ջանքերին, Կատալոնիայի նախագահ Պերե Արագոնեսն ասել է, որ իր վերջնական նպատակը դեռևս այն է, որ իշխող Սոցիալիստական ​​կուսակցությունը թույլ տա ինքնորոշման հանրաքվե անցկացնել: Այս մասին նա ասել է Euractiv-ին տված հարցազրույցում։

«Մեզ ասում էին, որ համաներումը (Կատալոնիայի ղեկավարների համար) անհնար է, բայց հիմա դա հնարավոր է։ Հիմա մեզ ասում են, որ հանրաքվեն անհնար է։ Մենք քաղաքական և ընտրական ուժը ծառայեցնելու ենք այս նպատակին և, ի վերջո, դա հնարավոր դարձնելու ենք»,- ասել է Արագոնեսը:

Նրա խոսքով, եթե սոցիալիստների հետ բանակցությունները մտնեն փակուղի, ինքը պատրաստ է օգտագործել իր կուսակցության յոթ պատգամավորներին, որոնց ձայներն անհրաժեշտ են կառավարական կոալիցիային, «որպես բանակցությունները առաջ տանելու խթան»։

Արագոնեսը նշել է, որ համաներման օրենքը միայն առաջին քայլն է Մադրիդի հետ երկխոսությունը վերսկսելու համար «որպեսզի կարողանանք բացել բանակցությունների երկրորդ փուլը»։

Նա նաև ասել է, որ առաջընթացի ճանապարհը Իսպանիայի կառավարության հետ քաղաքական բանակցություններն են, «որպեսզի այս հակամարտության լուծումը ի վերջո դառնա Կատալոնիայի քաղաքացիների քվեարկության արդյունքը»։

!
Այս նյութը հասանելի է նաև   Русский
Տպել
Ամենաշատ