News
Լրահոս
News
Երկուշաբթի
Ապրիլ 15
Տեսնել լրահոսը

Փետրվարի 27-ին, ՀՀ Ներքին գործերի նախարար Վահե Ղազարյանի հրամանով Ռոման Խլղաթյանը ազատվել է ՀՀ Ներքին գործերի նախարարության ոստիկանության Քրեական ոստիկանության գլխավոր վարչության Մարդու և սեփականության դեմ ուղղված հանցագործությունների դեմ պայքարի վարչության քրեական միջավայրի հակազդման բաժնի հատկապես կարևոր գործերով ավագ օպերլիազորի պաշտոնից, հաղորդում է Shamshyan.com-ը:

Վ. Ղազարյանի մեկ այլ հրամանով նա նշանակվել է նույն վարչության Մարդու դեմ ուղղված հանցագործությունների դեմ պայքարի բաժնի պետ:

Վ. Ղազարյանի մեկ այլ հրամանով Արմեն մկրտչյանը ազատվել է ՀՀ Ներքին գործերի նախարարության ոստիկանության Քրեական ոստիկանության գլխավոր վարչության Հետախուզման, անօրինական միգրացիայի և ահաբեկչության դեմ պայքարի վարչության Անօրինական միգրացիայի դեմ պայքարի բաժնի պետի տեղակալի պաշտոնից և նշանակվել նույն բաժնի պետ:

Ռ. Խլղաթյանն ու Ա. Մկրտչյանը կոչումով փոխգնդապետ են, ոստիկանության համակարգում երկար տարիների աշխատանքային փորձ ունեն, աշխատել են ոստիկանության տարբեր տարածքային բաժիններում, ժողովրդին հայտնի 6-րդ գլխավոր վարչությունում, Քրեական ոստիկանությունում ու բազմաթիվ անգամներ աչքի են ընկել առանձնապես ծանր հանցագործությունների կանխման, նախականխման ու բացահայտման, այդ թվում` աղմկահարույց դեպքերով:

Տպել
Ամենաշատ