News
Լրահոս
News
Չորեքշաբթի
Ապրիլ 17
Տեսնել լրահոսը

Քենտուկիի նահանգից սենատոր Միթչ Մակքոնելը հայտարարել է, որ նոյեմբերյան ընտրություններից հետո ԱՄՆ Սենատի հանրապետականները պետք է նոր առաջնորդ գտնեն, գրել է BBC-ն։

Մակքոնելը պաշտպանում է Ուկրաինային եւ 2021-ից չի շփվել Դոնալդ Թրամփի հետ։

Սենատում նա հերթական անգամ վերընտրվել է 2020թ.։

Անցած շաբաթ լրացել է նրա 82 տարին, եւ անցած տարի նրա առողջական վիճակի հետ կապված մտավախություններ են առաջացել, այն բանից հետո, երբ նա մի քանի անգամ սառել-մնացել է հրապարակային ելույթների ժամանակ։

Մակքոնելն իր ծրագրերի մասին նշել է Սենատի ելույթում։

Կարծիք կա, որ նա եւ նախկին նախագահը լրիվ դադարեցրել են շփումը։ Ռուսական ներխուժումն սկսվելուց հետո Մակքոնելը աջակցել է Ուկրաինայի ֆինանսական եւ ռազմական օգնությանը եւ ինքն էլ գնացել է Կիեւ 2022թ.։

Նա հանրապետական քսան սենատորներից մեկն է, որը քվեարկել է հօգուտ Ուկրաինայի, Իսրայելի եւ Թայվանի օգնության փաթեթի։

«Հավատացեք, ես գիտեմ, թե ինչպիսին են իմ կուսակցության քաղաքական մոտեցումները։ Ես շատ թերություններ ունեմ։ Բայց քաղաքականությունը չհասկանալու մեջ ինձ չես մեղադրի»,- ասել է սենատորը։

!
Այս նյութը հասանելի է նաև   Русский
Տպել
Ամենաշատ