News
Լրահոս
News
Ուրբաթ
Ապրիլ 19
Տեսնել լրահոսը


Հայաստանի և Ադրբեջանի միջև խաղաղության պայմանագրի շուրջ աշխատանքները կարելի է ավարտել արդեն այս տարի։ Այս մասին Անթալիայում կայացած դիվանագիտական ​​ֆորումում հայտարարել է Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը՝ նշելով, որ Եվրամիությունը ներգրավված է Հարավային Կովկասում կայունության և անվտանգության հաստատման գործընթացում։

«Պետությունների ղեկավարները պետք է պատասխանատվություն ստանձնեն և ստորագրեն համաձայնագիրը։ Որպես մարդ, ով երկար տարիներ աշխատել է այս գործընթացի վրա, ես համոզված եմ, որ դրան կարելի է հասնել այս տարի։ Երկարաժամկետ խաղաղություն հաստատելու համար անհրաժեշտ է հասնել համաձայնության, որն արդարացի կընկալվի բոլոր կողմերի կողմից։ Եվրոպայի վերջին հարյուր տարվա պատմությունը ցույց է տալիս հաղթողի կողմից պարտադրված խաղաղության փխրունությունը, ինչպես նաև հաշտեցման և ռազմական գործողությունների հաղթահարման նշանակալի առավելությունները», - ասել է եվրոպացի դիվանագետը:

Նրա խոսքով, Հայաստանի և Ադրբեջանի համատեքստում անհրաժեշտ է հենվել արդեն իսկ կնքված պայմանագրերի վրա, այդ թվում՝ սահմանների սահմանազատումը՝ հիմնվելով Հայաստանի և Ադրբեջանի ԽՍՀ-ների միջև սահմանազատման գծերի վրա՝ 1991 թվականին Ալմա-Աթայի հռչակագրի ստորագրման պահին. «Համաձայնագիրը պետք է ներառի սահմանի բացում՝ մարդկանց և ապրանքների տեղաշարժի համար, այդ թվում՝ հարավային Հայաստանի տարածքով, Ադրբեջանի հիմնական մասից Նախիջևան»:

Կլաարը նշել է, որ Եվրամիությունը մեծ նշանակություն է տալիս Թուրքիայի դերին, որը բացառիկ հնարավորություն ունի նպաստելու խաղաղությանը՝ բացելով սահմանները և վերականգնելով Հայաստանի հետ տրանսպորտային կապերը։ Նրա կարծիքով, խաղաղ կարգավորումը օգուտ կբերի ոչ միայն անմիջականորեն ներգրավված երկրներին, այլեւ ԵՄ երկրներին՝ ապահովելով Եվրոպայի, Կենտրոնական Ասիայի եւ Չինաստանի միջեւ տրանսպորտային միջանցքի հուսալիությունը։

«Նման քայլը Եվրամիությանը վստահություն կհաղորդի Եվրոպան Կենտրոնական Ասիայի և Չինաստանի հետ կապող տրանսպորտային միջանցքի անխափան աշխատանքի նկատմամբ։ Այս դեպքում ԵՄ-ն նաև կկարողանա Հայաստանից դուրս բերել քաղաքացիական դիտորդական առաքելությունը, որը տեղակայվել էր՝ ցույց տալու համար ԵՄ ներգրավվածությունը տարածաշրջանում»,- ընդգծել է Կլաարը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Սրանք Սովետական Հայաստանի սահմաններն են, եւ այդ սահմանները ոչ մի իրավական ուժ չեն կարող ունենալ. Աջապահյան
Մենք ոչ մի թիչ հող հանձնելու չունեինք եւ չունենք, ուրիշ բան, որ հանձնել ենք, բայց…
Ադրբեջանական ԶԼՄ-ներում հրապարակված թուղթը կեղծ է, նման հարցեր Բրյուսելյան հանդիպման օրակարգում չեն եղել. ԱԳՆ խոսնակ
Բրյուսելում քննարկված հարցերի ամբողջ օրակարգն արտահայտված է հանդիպումից…
Հանրային հեռուստաընկերությունն ակնհայտորեն խախտել է հավասարության սկզբունքը. Եսայի քահանա Արթենյան
Տավուշում սահմանամերձ տարածքներ զիջելու շուրջ ապրիլի 9-ի եպիսկոպոսաց հայտարարությունը անհամարժեք բուռն արձագանքի արժանացավ իշխող...
Անթիլիասում կկայանա «Ցեղասպանություն և Արցախ» միջազգային համաժողով՝ Հայաստանից ու աշխարհից գիտնականների մասնակցությամբ
Ապրիլի 20-22-ը Անթիլիասում  Մեծի տանն Կիլիկիո Կաթողիկոսարանի կողմից..
Կիրանցի արոտավայրերը, այգիները, Ոսկեպարի ջրի ակունքները հայտնվելու են ադրբեջանական վերահսկողության ներքո. Զեկույց
Այս փաստերը ևս մեկ անգամ հաստատում են, որ Կառավարության հայտարարած, այսպես կոչված, դելիմիտացիայի կամ սահմանազատման գործընթացը հեռանկարում...
Մեզ գոհացրել է Նիկոլ Փաշինյանի խոսքը. Բերքաբերի բնակիչ
32 տարի է 850 հեկտար հողամաս թուրքի ձեռքին է, ո՞վ եկավ ասաց, ինչու է այդպես: Հիմա գլխացավանք ենք սարքել, ասում ենք՝ Ոսկեպար, Ոսկեպար: Էդ որտե՞ղ էին էդ…
Ամենաշատ