News
Լրահոս
News
Երկուշաբթի
Ապրիլ 15
Տեսնել լրահոսը

Մարտի 1-ին «Երիտասարդ եվրոպական դեսպաններ» (ԵԵԴ) նախաձեռնությունը Գյումրու «Երիտասարդական նախաձեռնությունների կենտրոն» (ԵՆԿ) հասարակական կազմակերպության հետ համատեղ պաշտոնապես գործարկել է «Եվրաակումբ Գյումրին», որը դարձել է Հայաստանում թվով երրորդ եվրաակումբը ։

«Եվրաակումբ Գյումրիի» բացման պաշտոնական արարողությանը մասնակցել են Հայաստանում ԵՄ պատվիրակության ղեկավար, դեսպան Վասիլիս Մարագոսը, ԵՄ երկրների մի շարք դեսպաններ։

«Երիտասարդները վաղվա առաջնորդներն են եւ այսօրվա փոփոխողները։ Նրանց ներգրավվածությունը կյանքի տարբեր ոլորտներում կարևոր է, և նրանք մեծ դեր ունեն ավելի ամուր գործընկերության և հաջորդ սերունդների համար ավելի լավ ապագայի կառուցման գործում»,- բացման արարողության ժամանակ իր ելույթում ասել է դեսպան Մարագոսը։

«Եվրաակումբ Գյումրիի» պաշտոնական բացման արարողությանը հաջորդել է ինտերակտիվ միջոցառումների շարք Գյումրու Ժողովրդական ճարտարապետության և քաղաքային կենցաղի թանգարանում:

«Եվրաակումբ Գյումրիի» գործարկման նպատակը Գյումրիի բնակչությանը եվրոպական մշակույթը, պատմությունը ներկայացնելն է, Եվրոպայում առկա կրթական ծրագրերին, առաջարկվող երիտասարդական հնարավորություններին ծանոթացնելը։ Եվրաակումբը նաև միջմշակութային հարթակ կդառնա, որտեղ Գյումրու ու նաև հարակից համայնքների երիտաասարդները հնարավորություն կունենան հյուրընկակելու միջազգային հյուրերի և ներկայացնելու Հայասատանը, հայկական մշակույթը և պատմությունը։

Եվրաակումբի շահառուները կկարողանան հանդես գալ նաև սեփական նախաձեռնություններով, կզարգացնեն անգլերեն լեզվի հմտությունները, կմասնակցեն տարաբնույթ աշխատարանների, մասնագիտական կողմնորոշմանը ուղղված ինֆորմատիվ հանդիպումների ու ձեռքբերված հմտությունները կծառայեցնեն ի նպաստ իրենց համայնքի։

«Երիտասարդ եվրոպական դեսպաններ» (ԵԵԴ) նախաձեռնությունն ապաքաղաքական, կամավորական, կենսունակ հաղորդակցական ցանց է, որը կապում և բարեկամության կամուրջներ է կառուցում Հայաստանի, Ադրբեջանի, Բելառուսի, Վրաստանի, Մոլդովայի, Ուկրաինայի և ԵՄ անդամ երկրների ու Միացյալ թագավորության երիտասարդների միջև։ Ցանցի նպատակն է` բարձրացնել իր արևելյան գործընկեր երկրների հետ ԵՄ համագործակցության մասին իրազեկությունը, ցուցադրել այդ համագործակցության շոշափելի արդյունքները, նպաստել տարբեր թեմաների շուրջ քաղաքական երկխոսությանը, բարձրացնել քաղաքացիական ակտիվության մակարդակը և միասին աշխատել հանուն ավելի լավ ապագայի:

Տպել
Կարդացեք նաև
Ամբողջը
ԵՄ-ն պատժամիջոցներ է սահմանել պաղեստինյան երեք խմբավորման դեմ՝ Իսրայելի վրա հարձակման պատճառով
Այս խմբերը պատասխանատու են մարդու իրավունքների լրջագույն խախտումների համար...
Շվեդիայի պատվիրակությունն այցելել է Հայաստանում ԵՄ դիտորդական առաքելության հենակետեր
Շվեդիայի Խաղաղության, անվտանգության և զարգացման գործակալության, ոստիկանության և արտակարգ իրավիճակների գործակալության շվեդական...
Եվրահանձնաժողովը Վրաստանին կոչ է արել հետ կանչել օտարերկրյա գործակալների մասին օրինագիծը
Իշխող կուսակցության՝ [օտարերկրյա գործակալների] օրինագիծը վերստին ներմուծելու մասին հայտարարությունը մտահոգիչ է...
Հայաստանը վավերացրել է Եվրոպոլի հետ միջսահմանային հանցավորության դեմ պայքարի համաձայնագիրը
Վավերացումից հետո Նիդեռլանդներում կտեղակայվի կապի սպայի գրասենյակ...
ԵՄ-ն կստեղծի «Եվրոպական լեգեոն» արագ արձագանքման ուժեր
ԱՄՆ-ն առճակատման մեջ է Չինաստանի հետ...
«Դա կախված է Երևանում եւ Բրյուսելում կայացվող քաղաքական որոշումներից». Կլաարը՝ ԵՄ անդամության հեռանկարի մասին
ՀԱՊԿ անդամակցությունը խոչընդո՞տ է ԵՄ դրան, Կլաարն ուղիղ չպատասխանեց...
Ամենաշատ