News
Լրահոս
News
Երեքշաբթի
Ապրիլ 16
Տեսնել լրահոսը

Հազարավոր տարիներ առաջ Էրիթրեայի արևելյան ափին էր գտնվում աշխարհի ամենակարևոր նավահանգստային քաղաքներից մեկը:

Ըստ Էրիթրեայի տեղեկատվության նախարարության տվյալների, Ադուլիսն ի սկզբանե փոքր գյուղ է եղել, և ժողովրդական բանահյուսության համաձայն՝ նրա անունը նշանակում է «ազատ մարդիկ», քանի որ ստրուկները քաղաքում բնակություն են հաստատել Եգիպտոսից փախչելուց հետո: Ի վերջո, քաղաքը դարձել է  Կարմիր ծովի երկայնքով առևտրի կենտրոն՝ հեշտացնելով ներմուծումն ու արտահանումը Եգիպտոսի և Հունական ու Հռոմեական կայսրությունների հետ, հաղորդում է Miami Herald-ը:

Այսօր նավահանգստային քաղաքը թաղված է գետնի տակ, սակայն դա չի խանգարել հնագետներին փորձել բացահայտել հնագույն կենտրոնի գաղտնիքները: 2011 թվականից փորձագետները քաղաքի պեղումներ են անցկացնում։

Նոր հայտնաբերված խեցեղենը թվագրվում է մ.թ.ա. 1500-ից 500 թվականների միջակայքով, ասում են պաշտոնյաները:

Խեցեղենը կարևոր է, քանի որ այն կապում է նախորդ պատմական ժամանակաշրջաններն ու  գտածոներն այս վայրում, ասել է նախարարության ծրագրի համակարգող Ցեգայ Մեդինը: Գտածոն օժտված է «մանրակրկիտ հետազոտությունների միջոցով երկրի և տարածաշրջանի պատմությունը զգալիորեն հարստացնելու պոտենցիալով»:

Հյուսիսային Եթովպիայում հզոր Ակսում կայսրության ծաղկման շրջանում՝ մոտավորապես մ.թ. երրորդ և վեցերորդ դարերի ընթացքում, Ադուլիսը կայսրությունը կապում էր հին այլ քաղաքակրթությունների հետ։ 220-589 թվականներին մեծահասակները նույնիսկ առևտրային հարաբերություններ են հաստատել Չինաստանի հետ:

Քաղաքը գրավել են արաբները մեր թվարկության մոտ 640 թվականին, և արդեն  մ.թ. յոթերորդ դարում, երբ անկում ապրեց Ակսումի թագավորությունը, իշխանություններն ասում էին, որ քաղաքն ավերվել է։

Էրիթրեան գտնվում է Աֆրիկայի հյուսիսարևելյան ափին։ Սահմանակից է Սուդանին, Եթովպիային և Ջիբութիին։



!
Այս նյութը հասանելի է նաև   English and Русский
Տպել
Ամենաշատ