News
Լրահոս
News
Հինգշաբթի
Ապրիլ 18
Տեսնել լրահոսը

Ամերիկյան Տեխաս նահանգի Հաթչինսոն շրջանի Սմոքհաուս-Քրիք քաղաքում հրդեհը հասել է ապշեցուցիչ 1,078,086 ակր մակերեսի և կիրակի առավոտվա դրությամբ մեկուսացվել է միայն 15%-ով, գրում է Axios-ը։

Հրդեհը, որը բռնկվել է երեքշաբթի օրը և մեծացել է չափսերով, այժմ խոշորագույնն է նահանգի պատմության մեջ և սպառնում է ավելի մեծանալ:

Հրդեհը տարածվել է նաև Օկլահոմայում։ Մահվան դեպք է գրանցվել․ զոհվածը 83-ամյա կին է։

Տեխասի նահանգապետ Գրեգ Էբոթը փետրվարի 27-ին տարերային աղետի մասին հայտարարություն է տարածել 60 շրջանների համար՝ ի պատասխան Սմոքհաուս-Քրիքի և մի քանի այլ անտառային հրդեհների, որոնք բռնկվել են Փանհանդլում:

Նշաններ կան, որ կրակը կարող է նորից արագ տարածվել կիրակի օրը՝ ավելի տաք և քամոտ պայմաններում: Կանխատեսվում է, որ Փանհենդլում ջերմաստիճանը կհասնի 70 աստիճանի, ըստ Ֆարենհայթի, և կիջնի  շաբաթվա սկզբին։

Մինչև 50 մղոն/ժ արագությամբ ուժեղ քամու հետ զուգորդված տաք, չոր օդը անտառային հրդեհների վտանգի «կրիտիկական» պայմաններ կստեղծի Փանհանդլի մեծ մասում:

Ամարիլոյի NWS կանխատեսումների գրասենյակը նախազգուշացումներ է տվել կանխատեսվող ողջ տարածքի համար, ներառյալ այն տարածաշրջանը, որտեղ փոթորկում է անտառային հրդեհը:



!
Այս նյութը հասանելի է նաև   Русский
Տպել
Ամենաշատ