News
Լրահոս
News
Երկուշաբթի
Ապրիլ 15
Տեսնել լրահոսը

ՊԵԿ նախկին նախագահ Դավիթ Անանյանի դիտրակմամբ՝ հետխորհրդային տարածաշրջանում պետությունների միջև հարաբերությունները հաճախ կարող են բարդանալ (գործնականում՝ բարդանում են) պատմական և աշխարհաքաղաքական իրողությունների ոչ ճիշտ ընկալման պատճառով։

Ըստ նրա՝ Ռուսաստանի և Հայաստանի  հարաբերությունների պարագայում ակնհայտորեն առկա է վերջինիս որոշակի թերագնահատում Ռուսաստանի կողմից։

«Սրա մասին, օրինակ, կարելի է անուղղակիորեն դատողություններ անել՝ ելնելով երկու երկների միջև դիվանագիտական փոխգործակցության վերլուծությունից, մասնավորապես՝ Հայաստանում ՌԴ դեսպանի և դեսպանատան գործունեության (ավելի ճիշտ՝ անգործության) տեսանկյունից։

Ռուսաստանի դեսպանին փոխարինելու նախաձեռնությունների բացակայությունը (որի գործունեության արդյունքում իր երկրի ղեկավարներն ու որոշում կայացնողները ակնհայտ ապատեղեկատվություն են ստանում), ընդգծում է Ռուսաստանի կողմից Հայաստանի ընկալումը որպես գործընկեր, որը հատուկ դիվանագիտական ուշադրություն կամ մոտեցումների պարբերական ճշգրտումներ չի պահանջում:

Այս համատեքստում կարելի է արձանագրել, որ Ռուսաստանը Հայաստանի հետ հարաբերությունները դիտարկում է տարածաշրջանում իր հանդեպ առկա աշխարհաքաղաքական վստահության և իր գերակայության ակնհայտ գերագնահատման պրիզմայով։

Ենթադրվում է, որ Մոսկվան ելնում է այն կանխավարկածից, որ ցանկացած պահի, երբ անհրաժեշտ կհամարի մեծացնել իր ազդեցությունը կամ միջամտել Հայաստանի ներքաղաքական կյանքին, լուրջ խոչընդոտներ չի ունենա իր ծրագրերի իրականացման համար։ Այս ենթադրությունն ազդարարում է Հայաստանի ընկալումը որպես մի պետության, որտեղ ռուսական ազդեցությունն այնքան էական է, որ Մոսկվան կարող է իրեն թույլ տալ որոշակիորեն թերագնահատել երկկողմ հարաբերությունների պաշտոնական ասպեկտները, այդ թվում՝ դիվանագիտական ներկայացուցչության մակարդակը։

Միջպետական հարաբերությունների այս մոտեցումը ցույց է տալիս Ռուսաստանի և Հայաստանի միջև հարաբերությունների դինամիկայի անորոշության հետ կապված հետագա վերլուծությունների անհրաժեշտությունը, ներառյալ՝ փոխադարձ ակնկալիքների ճշգրտումը, նոր իրողությունների և սպասումների գնահատումը, առանց որոնց այլևս հավասարակշռված փոխգործակցություն ակնկալելը իրատեսական չէ»,- Facebook-ում գրել է Անանյանը։

Տպել
Կարդացեք նաև
Ամբողջը
«Հրապարակ». «Արմենալը» չի փակվի
Տեղեկացանք, որ մեր հրապարակումից հետո ՀՀ կառավարությունը սկսել է զբաղվել այս հարցով, եւ էկոնոմիկայի...
«Փաստ». Հայաստանը` ցնցումների շեմին. կգնա՞ Փաշինյանը դիտավորյալ «կոնֆրոնտացիայի»
Ճշտող հարցին, թե ինչի՞ց է կախված որոշումը, նա պատասխանել է. «Ինչպես բոլոր որոշումները՝ բազմաթիվ...
Կլոր սեղան-քննարկում՝ թվային տնտեսությունում հակամենաշնորհային կարգավորման թեմայով
ՄՊՀ հակամրցակցային համաձայնությունների և պետական գնումների վերահսկողության բաժնի պետ Տաթևիկ Հովհաննիսյանը ներկայացրել է թվային...
Ո՞վ ասաց. որ մենք գոհ ենք Ռուսաստանի վարքագծից, բայց դրա լուծումը մուննաթ գա՞լն է. Արծվիկ Մինասյան
Նիկոլ Փաշինայնը մեղադրում է Ռուսաստանին, ասում է՝ Ռուսաստանն ուզում է…
ՌԴ-ն այն դերակատարն է, որը մեր անվտանգության բաղադրիչի կարեւոր մաս է. Արծվիկ Մինասյանը՝ իրենց ռուսամետության մասին
Եթե անգամ ընդիմությանը հաջողվի բավարար չափով ստորագրություն հավաքել…
Եթե ​​որոշում կայացվի, որ ՀՀ վարչապետը մասնակցելու է Պուտինի երդմնակալությանը, ապա հայտարարություն կարվի. ԱԳՆ
Նա մեկնաբանությունների համար կոչ արեց դիմել Հայաստանի վարչապետի գրասենյակ...
Ամենաշատ