News
Լրահոս
News
Երկուշաբթի
Ապրիլ 15
Տեսնել լրահոսը


Քանի որ նախօրոք հանդիպման պայմանավորվածություն կար Հայաստանի և Թուրքիայի հատուկ ներկայացուցիչների միջև, դրա համար այն տեղի ունեցավ, բայց այդ հանդիպումը ֆորմալ էր, ընդհանրապես արարողակարգային ու ոչ մի  հարց չլուծող: Այս մասին NEWS.am-ի հետ զրույցում նշեց թուրքագետ Անդրանիկ Իսպիրյանը:

«Ողղակի պայմանավորվեցին երրորդ երկրների քաղաքացիների համար և դիվանագիտական անձնագիր ունեցողների համար սահմանը բացվի:

Ինչու ոչինչ տեղի չունեցավ այս 1,5 տարվա ընթացքում: Քանի որ ռուս-ուկրաինական պատերազմը խառնեց խաղաքարտերը, նոր իրողություններ ստեղծեց տարածաշրջանում ի վնաս Ռուսաստանի, ի վնաս Հայաստանի եւ հօգուտ Թուրքիա-Ադրբեջան տանդեմի: Թուրքիան տեսնելով, որ այս իրավիճակից կարող է Ադրբեջանն օգտվել, տարածաշրջանում Ռուսաստանի ազդեցության թուլացումից Ադրբեջանը կարող է օգտվել, նաև հաշվի առնելով ՀՀ իշխանությունների պահվածքը եւ դիվանագիտական քայլերը դեպի Արեւմուտք եւ ավելի շատ բացասական վերաբերմունքը դեպի Ռուսաստան, Թուրքիան ուղղակի սառեցրեց հարաբերությունների կարգավորման թեկուզ ձեւական գործընթացը: Այդ սառեցնելու ընթացքում տեղի ունեցան իրադարձություններ Ադրբեջանի կողմից, բնականաբար, Թուրքիայի հետ, որոշ դեպքերում նաեւ Ռուսաստանի հետ  համաձայնեցված:

Արդեն գիտենք, որ Արցախի շրջափակումը, դրանից հետո պատերազմը եւ արցախահայության տեղահանությունը, դրանից մի քանի օր առաջ տեղի էր ունեցել մեզ հյտնի երկրների ներկայացուցիչների միջեւ հանդիպումը: Այսինքն Թուրքիան դադարեցրեց շփումները Հայաստանի հետ՝ հայ-թուրքական հարաբերությունների կարգավորման ուղղությամբ, քանի որ արդեն այլ իրավիճակ էր»,-ասաց նա:

Նրա խոսքով, Թուրքիայի համար այլ անհրաժեշտություն կար. Հայաստանը թուլացած էր, Ռուսաստանի ազդեցությունը թուլացած էր եւ մաքսիմումը պետք էր այդ ուղղությամբ ստանալ: «Այս իրավիճակը Թուրքիան ու Ադրբեջանն օգտագործեցին Արցախի հարցը վերջնական իրենց օգտին լուծելու համար: Արցախի հարցն իրենց օգտին լուծելուց հետո տարածաշրջանում այլ իրավիճակ է:

Այս իրավիճակում Թուրքիայի ակտիվացումը հայ-թուրքական հարաբերությունների կարգավորման հարցում եւ ԵՄ-ի Կովկասի ներկայացուցչի հայտարարությունը վկայում են, որ Թուրքիան արդեն համաձայնության է եկել Արեւմուտքի հետ, որպեսզի կրկին թեկուզ իր համար ձեւական վերսկսի այդ գործընթացը, դրանով մեծացնելով Հայաստանի վրա ազդեցությունը, ճնշումը, տարածաշրջանից հնարավորինս Ռուսաստանին դուրս մղելու համար: Այսինքն Թուրքիայի վերջին ակտիվությունն ուղղված է դրան»,-ասաց թուրքագետը:

Անդրադառնալով նրան, որ ԵՄ-ի հատուկ ներկայացուցիչը Անթալիայի ֆորումի ժամանակ հայտարարեց, որ հայ-ադրբեջանական հարաբերությունների կարգավորման գործընթացում Թուրքիան վճռորոշ նշանակություն կարող է ունենալ, նաեւ ասաց, որ Թուրքիան առաջատար տերության կարգավիճակ ունի Հարավային Կովկասում, Իսպիրյանն ասաց. «Ցույց էր տալիս, որ Արեւմուտքը Հարավային Կովկասը ապագայում տեսնում է Թուրքիայի ազդեցության գոտի:

Նրանք Թուրքիային տալիս են մանդատ այս տարածաշրջանում գերակայելու: Չպետք է սպասել, որ եթե Ռուսաստանի ազդեցությունը այստեղ թուլանա, արեւմտյան որոշ երկրների ազդեցություն կտեսնենք, դա լինելու է Թուրքիայի ազդեցության աճի տեսքով»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իմ տպավորությամբ կա Նիկոլ-Ալիև ուղիղ բանակցություն. Իշխան Սաղաթելյան
Այս տպավորությունն ունենք, որ շատ բաներ տեղի են ունենում բանավոր...
Զախարովա. Երեւանը Ղարաբաղի վերաբերյալ որոշումներ կայացրել է ՆԱՏՕ ազդեցության տակ
Այդ գաղափարը ճիշտ չէ, սուտ է...
«Հայաքվեն» հավաքագրել է Արցախի դեմ Ադրբեջանի վերջին ագրեսիայի հետևանքով մեր զոհերի տվյալները.Թվով 167 զոհ և անհետ կորած
Առաջիկայում «ՀայաՔվեն» նախատեսում է զոհերի կենսագրականներն ու սխրանքներն ամփոփող գիրք-ալբոմի հրատարակություն՝ որպես հարգանքի տուրք...
Լեռնային Ղարաբաղում 20 հայ է մնացել. օմբուդսմեն
Մենք տեղեկություններ ունենք, թե ինչ պայմաններում են նրանք ապրում...
Ադրբեջանն ի սկզբանե Լեռնային Ղարաբաղը հայաթափելու նպատակ էր հետապնդում. Թաթոյան
Թաթոյանը քարտեզների վրա մանրամասն ներկայացրել է ադրբեջանական ուժերի գործողությունները յուրաքանչյուր թաղամասում...
Ադրբեջանի ԱԳՆ-ն հերթական անգամ վայրահաչել է Ֆրանսիայի հասցեին
Այխան Հաջիզադեն «խստորեն դատապարտել է» և կատեգորիկ անհամաձայնություն հայտնել...
Ամենաշատ