News
Լրահոս
News
Երեքշաբթի
Ապրիլ 16
Տեսնել լրահոսը

Երեւանի փոխքաղաքապետ Արմեն Փամբուկչյանը ցուցարարների հետ զրույցում ասել է, որ մոտակա օրերի ընթացքում Նոր Նորք վարչական շրջանի այգու հատվածում քանդման աշխատանքներ չեն իրականացվի, մինչ քննարկումները կավարտվեն և հնարավոր կլինի խնդրի լուծման տարբերակեր առաջարկել: Այս մասին, այսօր՝ մարտի 4-ին, NEWS.am-ի հետ զրույցում հայտնեցին քաղաքապետարանից:

Նոր Նորք վարչական շրջանի բնակիչերի իրականացրած բողոքի ակցիան ավարտվել է քաղաքապետի առաջին տեղակալ Արմեն Փամբուկչյանի հետ հանդիպմամբ: Նա նշել է, որ քանդման աշխատանքներ այգու հատվածում դեռևս չեն իրականացվի:

Հիշեցնենք, որ այսօր՝ մարտի 4-ին Նոր Նորքի Լվովյան փողոցի որոշ հատվածներում ապօրինի բնակելի շինություններում բնակվող քաղաքացիները բողոքի ակցիա էին կազմակերպել Երեւանի քաղաքապետարանի դիմաց: Նրանք պահանջում էին չքանդել իրենց տները, որտեղ իրենք ապրում են տասնյակ տարիներով:

Ավելի վաղ՝  փետրվարի 29-ին Նոր Նորք վարչական շրջանի Լվովյան փողոցի մի քանի հասցեներում ոստիկանների օգնությամբ քանդել են ինքնակամ շինություններ եւ տներ, որտեղ մարդիկ տասնամյակներով ապրում են: Քաղաքապետարանը նշել է, որ հասարակական նշանակության կանաչ տարածքներում, համայնքային սեփականություն հանդիսացող հողամասի վրա կառուցվել են անօրինական շինություններ, որոնցով ծանրաբեռնվել է համայնքային սեփականություն հանդիսացող հողամասերը, հիմա դրանք ազատում են՝ կանաչապատման նպատակով: Խոսքը Թաթուլ Կրպեյանի անվան զբոսայգու հարակից տարածքների մասին է:

!
Այս նյութը հասանելի է նաև   Русский
Տպել
Ամենաշատ