News
Լրահոս
News
Շաբաթ
Ապրիլ 13
Տեսնել լրահոսը

Հայաստանը որեւէ պատժամիջոցային ծրագրի չի միացել, բայց մենք հետեւում ենք բոլոր պատժամիջոցներին, մենք պահում ենք պատժամիջոցային ռեժիմներն առանց դրանց միանալու։ Այս մասին մարտի 5-ին ներդրումային-ֆինանսական համաժողովում ասել է Կենտրոնական բանկի ֆինանսական համակարգի կայունության եւ կարգավորման վարչության տնօրեն Գարեգին Գեւորգյանը։

Նա ավելացրել է, որ Հայաստանը ցանկանում է դառնալ օտարերկրյա արժեթղթերի առեւտրի հաբ։ «Մենք շահագրգռված ենք կապիտալի շուկաների ակտիվ զարգացմամբ, բայց եթե ցանկանում ենք կառուցել կապիտալի շուկայի ինստիտուցիոնալ զարգացման լավ համակարգ, ապա պետք է սկսենք հիմքից։ Դրա համար անհրաժեշտ է  ձեւավորել դրամի շուկան։ Հայկական տնտեսությունը չունի դրամի կարճաժամկետ գնի որոշման գործիք»,- նշել է Գեւորգյանը։

Նրա գնահատմամբ՝ 30 տարվա կտրվածքով հայկական դրամն աշխարհում ամենակայուն արժույթներից մեկն է։ Նա հավաստիացրել է, որ շատ լուրջ հետեւանքներ գնաճի կամ սղաճի տեսակետից Հայաստանում չեն նկատվել։ «Մեր մեթոդաբանությունը ռիսկերի կառավարումն է։ Եթե ավելի վտանգավոր է դեֆլյացիան, ապա մենք աշխատում ենք նրա հետ, նույնը վերաբերում է գնաճին։ Այս տեսակետից մեր մեթոդաբանությունը չի փոխվելու, հակառակը, զարգանալու է»,- նշել է ԿԲ ներկայացուցիչը։

Նա տեղեկացրել է, որ թոշակային ֆոնդերի միջոցով ներդրողները պատրաստ են ներդնել մոտ 500 մլն եվրո կապիտալի շուկայում, եթե լինեն համապատասխան թղթեր։

«Այդ ամենը տեղի մանրածախ ներդրողների փողերն են, այսինքն՝ նման պահանջարկ կա»,- ամփոփել է Գարեգին Գեւորգյանը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մատենադարանի և ԱրարատԲանկի միջև կստորագրվի համագործակցության հուշագիր (ֆոտո)
Օրակարգը հագեցած էր հնատիպ նյութերի վերականգնման լաբորատորիայի աշխատանքների գործնական ցուցադրմամբ...
5 միլիոն դրամ` Հայաստանի երեխաների առողջության հիմնադրամին
Կարևորելով իմաստավորված ու դրական քայլերը՝ Բանկը շարունակ ներդրում է կատարում առողջ համայնքներ կառուցելու գործում...
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդումայի պատգամավոր
«Ավելի վատ իրենց համար»...
«Ամերիաբանկը» վաճառվեց, գործարքը կնքվել է, բաժնետերերի կառուցվածքում փոփոխությունները գրանցվել են
Հիշեցնենք, որ շուրջ 1 ամիս առաջ հայտնի դարձավ, որ «Բենք օֆ Ջորջիա»-ն (Bank of Georgia Group PLC) պատրաստվում է 303.6 մլն ԱՄՆ դոլարով գնել հայկական...
Իդրամն ու IDBank-ը մասնակցել են Կանանց հզորացման սկզբունքների հայտարարագրի ստորագրման արարողությանը
Հայտարարագրի ստորագրման արարողությունից առաջ տեղի ունեցավ «Հնչեցրու զանգը հանուն գենդերային հավասարության» միջոցառումը...
Պեսկով. ՌԴ-ն եւ այլ երկրներ նվազագույնի կհասցնեն «Միր» քարտերի օգտագործման ռիսկերը
Ռուսաստանը երկխոսություն է վարում այլ երկրների հետ...
Ամենաշատ