News
Լրահոս
News
Երկուշաբթի
Հունիս 24
Տեսնել լրահոսը

Մերձմոսկովյան Կրասնոգորսկ քաղաքի Crocus City Hall-ում ունեցած ահաբեկչության կապակցությամբ մի շարք երկրներ և կազմակերպություններ հանդես են եկել հայտարարություններով։

Մասնավորապես, Բոլիվիայի նախագահ Լուիս Արսեն ցավակցություն է հայտնել ահաբեկչության կապակցությամբ եւ ամբողջ միջազգային հանրությանը կոչ է արել դատապարտելու այն։

Գերմանիայի ԱԳՆ-ն ցավակցություն է հայտնել և կոչ արել արագ հետաքննելու տեղի ունեցածը։

Բելառուսի ԱԳՆ-ն հայտարարել է, որ համերգասրահում տեղի ունեցածին արդարացում չկա։

Լյուքսեմբուրգի արտգործնախարար Քսավյեր Բեթելը X-ի իր միկրոբլոգում հայտարարել է, որ քաղաքացիների սպանությունը հանցավոր արարք է, որտեղ էլ որ լինի:

«Մտովի Մոսկվայի մերձակայքում տեղի ունեցած սարսափելի հարձակման զոհերի ընտանիքների հետ են»,- գրել է նա։

Միացյալ Նահանգների վարչակազմը Մոսկվայում տեղի ունեցած ահաբեկչությունն անվանել է զարհուրելի հարձակում։ «Մենք փորձում ենք ավելի շատ տեղեկություններ ստանալ։ Ցանկանում ենք, որ դուք վերահասցեագրեք Ռուսաստանի իշխանություններին, որ նրանք խոսեն դրա մասին։ Այս կադրերը պարզապես սարսափելի են։

Դրանք դժվար է դիտել, և մեր մտքերը, իհարկե, այս սարսափելի հրաձգության զոհերի հետ են», - լրագրողների համար հերթական ճեպազրույցում հայտարարել է Սպիտակ տան Ազգային անվտանգության խորհրդի ռազմավարական կապերի համակարգող Ջոն Քիրբին:

ՄԱԿ-ում վշտացած են Մոսկվայի Crocus City Hall-ում տեղի ունեցած հրաձգության մասին հաղորդագրություններից և փորձում են լրացուցիչ տեղեկություններ ստանալ: Դրա մասին հայտարարել է համաշխարհային կազմակերպության գլխավոր քարտուղարի փոխներկայացուցիչ Ֆարհան Հակը։

Ադրբեջանի ԱԳՆ-ն հայտարարել է, որ Ադրբեջանը խստորեն դատապարտում է նողկալի հարձակումը Մոսկվայի Crocus City Hall համերգային համալիրի վրա և անմեղ զոհերի ընտանիքներին խորին ցավակցություն է հայտնել։

Ղազախստանի նախագահ Կասիմ-Ժոմարտ Տոկաևը հայտարարել է, որ Ղազախստանը դատապարտում է Crocus City Hall-ում տեղի ունեցած ահաբեկչությունը և ցավակցություն հայտնում զոհերի և ողբերգության զոհերի ընտանիքներին:

Թուրքիայի ԱԳՆ ղեկավարը զանգահարել է Սերգեյ Լավրովին և Թուրքիայի նախագահի անունից ցավակցություն հայտնել Ռուսաստանի ժողովրդին Crocus City Hall-ում տեղի ունեցած ողբերգության կապակցությամբ և անվերապահորեն դատապարտել արյունալի ահաբեկչությունը։

ԵՄ արտաքին քաղաքականության ծառայության պաշտոնական ներկայացուցիչ Փիթեր Ստանոն X-ի իր միկրոբլոգում գրել է, որ Եվրամիությունը ցնցված է Crocus City Hall-ում տեղի ունեցած ահաբեկչության մասին հաղորդումներից։

«ԵՄ-ն դատապարտում է խաղաղ բնակչության դեմ ցանկացած հարձակում։ Մեր մտքերը Ռուսաստանի բոլոր տուժած քաղաքացիների հետ են»,- գրել է նա։

Արաբական Միացյալ Էմիրությունների ԱԳՆ-ն դատապարտել է Crocus City Hall-ում տեղի ունեցած ահաբեկչությունը և ցավակցություն հայտնել զոհերի ընտանիքներին։

Սերբիայի նախագահ Ալեքսանդր Վուչիչն իր ցավակցությունն է հայտնել Ռուսաստանի ղեկավարությանը և ժողովրդին՝ կապված Մոսկվայի մարզում տեղի ունեցած ահաբեկչության հետ։

Նա նաև հայտարարել է, որ ԱՄՆ-ի և Մեծ Բրիտանիայի դեսպանատներից ստացված կոչերը՝ չայցելել իրենց քաղաքացիներին Մոսկվայի առևտրի կենտրոն, վկայում են այն մասին, որ իրենց հետախուզական ծառայությունները տեղեկություններ ունեին հնարավոր ահաբեկչությունների մասին։

Նշենք, որ ահաբեկչության հետ կապված հայտարարություն է արել նաեւ Հայաստանի ԱԳՆ-ն։ «Մենք ցնցված ենք Մոսկվայում տեղի ունեցած անմարդկային ահաբեկչության սահմռկեցուցիչ լուրից։ Խորապես սգում ենք անմեղ մարդկանց կորուստը և շուտափույթ ապաքինում ենք մաղթում բոլոր վիրավորներին և զոհերին»,- ասված է Հայաստանի ԱԳՆ հայտարարության մեջ։

Մարտի 22-ին լրատվամիջոցները հայտնել են Crocus City Hall-ում կրակոցների մասին: Այստեղ անցկացվելու էր «Պիկնիկ»  խմբի համերգը։ Ըստ РИА Новости-ի՝ կամուֆլյաժով առնվազն երեք մարդ կրակ է բացել համերգասրահում։ Շենքում պայթյուն է տեղի ունեցել և հրդեհ բռնկվել։

Crocus City Hall-ում տեղի ունեցած ահաբեկչության հետևանքով զոհվել է առնվազն 40, վիրավորվել՝ ավելի քան 100 մարդ։ ՌԴ Քննչական կոմիտեն քրեական գործ է հարուցել «Ահաբեկչական գործողություն» հոդվածով։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իրանի սահմանապահ ոստիկանությունը հայտնել է սահմանին բախումների ժամանակ երկու ահաբեկիչների մահվան մասին
Գեներալ Գուդարզիի խոսքով՝ ահաբեկիչները ծրագրել են հատել սահմանը Սարավանի շրջանում՝ հարավարևելյան Սիստան և Բելուջիստան նահանգում՝ երկրում դիվերսիոն գործողություններ իրականացնելու համար...
Գերմանիայի հետախուզության ղեկավարը զգուշացրել է Եվրո-2024-ի ժամանակ ահաբեկչությունների սպառնալիքի մասին
Գերմանիայում իսլամիստական ​​ահաբեկչության վտանգն ավելի է մեծացել 2023 թվականի հոկտեմբերի 7-ին Իսրայելի վրա ՀԱՄԱՍ-ի հարձակումից հետո...
Իրանի ոստիկանությունը հայտնել է երկրի հարավ-արևելքում երկու ահաբեկչի սպանության մասին
Իրանցի գեներալը հայտնել է, որ նահանգում ոչնչացվել են կազմակերպված հանցավոր ութ խմբավորումներ և «Ջեյշ ալ-Ադլ»-ի երկու հիմնական ահաբեկիչներ...
Թուրքիական Հաքարի քաղաքի քաղաքապետն ահաբեկչության մեղադրանքով դատապարտվել է 19,5 տարվա ազատազրկման
Դատախազներն ահաբեկչական խմբավորումը ղեկավարելու և նրա անդամ լինելու մեղադրանքով ի սկզբանե նրա համար պահանջում էին 15-22,5 տարվա ազատազրկում...
Ահաբեկիչ Բրեյվիկը նորից դատի կտա Նորվեգիային «մարդու իրավունքների խախտման» պատճառով
Նորվեգիայի Վերաքննիչ դատարանը թույլ է տվել Բրեյվիկին բողոքարկել իր բանտարկության պայմանները...
Մեծ Բրիտանիայում ահաբեկչություններ նախապատրաստելու կասկածանքով երեք մարդ է ձերբակալվել
Երեք տղամարդ բերման են ենթարկվել՝ հարցաքննվելու համար», - ասել է տարածքային ոստիկանության պետի...
Ամենաշատ
Ֆոտոռեպորտաժներ