News
Լրահոս
News
Կիրակի
Մայիս 19
Տեսնել լրահոսը

Հյուսիսատլանտյան պայմանագրի ստորագրման պահից ՆԱՏՕ-ն անցել է ակտիվության անկման շրջան սառը պատերազմից հետո, իսկ 2014-ին, Ղրիմի անեքսիայով, «նոր ազդակ» է ստացել։ Ի՞նչ մարտահրավերներ են կանգնած ամենամեծ ռազմական դաշինքի առջեւ այսօր։

Ինչպես տեղեկացրել է Euronews-ը, Բելգիայի արտաքին գործերի նախարար Հաջա Լահբիբը եւ ՆԱՏՕ գլխավոր քարտուղար Յենս Սթոլտենբերգը զինվորական նվագախմբի հնչյունների ներքո կտրել են տորթը։ Հոբելյանի առիթով Վաշինգտոնից անգամ բերել են Հյուսիսատլանտյան պայմանագրի բնօրինակը։ Ներկաները՝ դաշինքի անդամ պետությունների ԱԳՆ ղեկավարները, ծանոթացել են դրան։

Նրանք քննարկել են 100 մլրդ չափով ֆոնդի ստեղծման գաղափարը՝ Ուկրաինային հինգ տարվա ընթացքում օգնություն ցուցաբերելու համար։

1949թ. ապրիլի 4-ին սառը պատերազմի համատեքստում ստեղծված ՆԱՏՕ-ն այսօր ամենախոշոր ռազմական կազմակերպությունն է, որի մեջ մտնում են 32 երկրներ։ Նա պատասխանատու է ավելի քան մեկ միլիարդ մարդու անվտանգության համար։

Տյագո Անդրե Լոպես, Պորտուի համալսարանի միջազգային հարաբերությունների բակալավրիատի ծրագրի համակարգող. «ՆԱՏՕ պատմության մեջ կա երեք փուլ։ Առաջինը ստեղծումից մինչեւ սառը պատերազմի ավարտն է։ Դա մեծ ակտիվության շրջանն է։ Նա առաքելություն ուներ։ Փաստորեն, նա թշնամիներ ուներ՝ Վարշավյան պայմանագրի երկրները եւ ԽՍՀՄ-ը։ Սառը պատերազմի ավարտից հետո նա կորցրեց, պրագմատիկ տեսանկյունից, իր գոյության իմաստը։ Բայց, իհարկե, Ղրիմի իրադարձություններից հետո 2014թ. ՆԱՏՕ-ում հասկացան, որ եկել է Եվրոպայի անվտանգության հարցերով զբաղվելու ժամանակը»։

Վլադիմիր Պուտինը արդարացնում էր 2022թ. փետրվարին ռուսական զորքերի ներխուժումն Ուկրաինա հենց ՆԱՏՕ-ից բխող սպառնալիքով։

Մարի Մենդերաս, Sciences Po-ի պրոֆեսոր. «Այդ ամենը նրա սխալ պատմական նարատիվի մի մասն է։ Ոչ մի սպառնալիք գոյություն չունի ոչ եվրոպական երկրների, ոչ Միացյալ Նահանգների կամ Կանադայի կողմից։ Ակնհայտ է, որ Պուտինի ընտրությունը թելադրված է Ուկրաինայի դեմ պատերազմ վարելու ցանկությամբ»։

Ռուսական ներխուժումն Ուկրաինա ակտիվացրել է նաեւ դաշինքի ընդլայնման գործընթացը ի հաշիվ Ֆինլանդիայի եւ Շվեդիայի, որոնք հրաժարվեցին իրենց չեզոքության ավանդական քաղաքականությունից։

Բայց ամեն ինչ չէ, որ այդքան հարթ է աշխատում թվում է թե այդքան ամուր դաշինքի երկրների ներսում։ Բուռն վեճեր եւ երկյուղներ է առաջացրել ԱՄՆ նախագահի հավանական թեկնածու Դոնալդ Թրամփի հայտարարությունն այն մասին, որ հարձակման դեպքում իր երկիրը չի պաշտպանի դաշնակիցներին, եթե նրանք վճարումներ չանեն։

Բաց է մնում այն հարցը, թե կկարողանա արդյոք ԵՄ-ն փոխհատուցել ԱՄՆ ֆինանսավորման պոտենցիալ կրճատումը։ Դա շատ բանով կախված է Եվրախորհրդարանի գալիք ընտրություններից։

Տյագո Անդրե Լոպես. «Ուլտրաաջ կուսակցությունները, որպես կանոն, կենտրոնացած են ազգային խնդիրների վրա։ Նրանք այնքան էլ հակված չեն համերաշխություն դրսեւորել միջազգային մակարդակով։ Մյուս դժվարությունն այն է, որ եվրոպացիներն ընդհանուր առմամբ շատ առանձնահատուկ խնդիրների առջեւ են կանգնած՝ կապված գնաճի, բնակարանի, կյանքի արժեքի աճի հետ։ Եվ դա նույնպես կարող է խանգարել աշտպանության ծախսերի ավելացման գործընթացին»։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՆԱՏՕ-ում համարում են, որ Խարկովի տարածքում բեկում մտցնելու համար ՌԴ-ն բավականաչափ ուժեր չունի
Ռուսները ռազմավարական բեկում մտցնելու համար բավականաչափ ուժ չունեն...
ՆԱՏՕ-ի գլխավոր քարտուղարն արձագանքել է Սլովակիայի վարչապետի դեմ մահափորձին
Իմ մտքերը Ռոբերտ Ֆիցոյի, նրա ընտանիքի և Սլովակիայի ժողովրդի հետ են...
«Օտարերկրյա ազդեցության թափանցիկության մասին» օրենքի ընդունումը սխալ ուղղությամբ քայլ է. ՆԱՏՕ-ի ներկայացուցիչ
«Այսպես կոչված «օտարերկրյա գործակալների» մասին օրենքը ընդունելու Վրաստանի կառավարության որոշումը սխալ ուղղությամբ քայլ է և ավելի է հեռացնում…
Ուկրաինային ՆԱՏՕ-ին ինտեգրելու գործընթացում դաշինքը կմեծացնի իր դերը. Բլինքեն
Հուլիսին Վաշինգտոնի գագաթնաժողովին շոշափելի քայլեր կձեռնարկվեն ուղղված հաստատուն, մարտունակ ուկրաինական ուժեր կառուցելու գործում ՆԱՏՕ-ի դերը բարձրացնելուն՝ միաժամանակ զորավիգ լինելով Ուկրաինան դաշինքին ինտեգրող ընթացիկ բարեփոխումներին…
Պետքարտուղարությունը հայտնել է, որ Էրդողանի այցը Միացյալ Նահանգներ կարող է պլանավորվել ՆԱՏՕ-ի գագաթնաժողովի համար
Դիվանագետը նաեւ նշել է, որ Անկարան կարեւոր աշխատանք է կատարել բազմաթիվ տարածաշրջանային ճգնաժամերի լուծման գործում...
Սթոլտենբերգը հայտնել է, որ ՆԱՏՕ-ն չի նախատեսում զորքեր ուղարկել Ուկրաինա
ՆԱՏՕ-ն չի ծրագրում զորքեր ուղարկել Ուկրաինա...
Ամենաշատ
Ֆոտոռեպորտաժներ