News
Լրահոս
News
Հինգշաբթի
Մայիս 30
Տեսնել լրահոսը


Այն խնդիրը, որ այսօր կանգնած է տավուշցու առջեւ, դա միայն տավուշցու խնդիր չէ: Այս մասին Ոսկեպարում բնակիչների հետ հանդիպման ժամանակ հայտարարեց «Հայաստան» խմբակցության պատգամավոր Իշխան Սաղաթելյանը:

«Սա համազգային խնդիր է, հայ մարդու խնդիր է, եւ նոր ծանր մարտահրավեր, որ կանգնած է Հայաստանի առջեւ: Տավուշի գյուղերի հարցը նոր թեմա չէ: Նոյեմբերի 9-ի փաստաթղթում է այդ մասին արծարծվել, նաեւ դրանից հետո: Երբ մենք ասում էինք, որ այս իշխանության վարած քաղաքականության արդյունքում շարունակելու ենք հանձնել եւ այս վտանգը մոտենալու է ՀՀ սահմանին, շատերը չէին ընկալում:

Այս մարդը (նկատի ունի վարչապետ Նիկոլ Փաշինյանին-խմբ) ասում է՝ պետք է գնանք միակողմանի նոր զիջումների, եւ սահմանազատումը պետք է սկսել Տավուշի մարզից: Իրականում ստում է, սա սահմանազատում չէ: Ադրբեջանը հստակ ասում է՝ մինչեւ սահմանազատման աշխատանքների անցնելը նախ էս 4 գյուղը տուր, հետո կխոսենք:

Էս մարդը եկել է Տավուշի գյուղերն ասում է՝ դրանք հայկական տարածքներ չեն, ավերված, քանդված տարածքներ են եւ պետք է տանք, որ պատերազմ չլինի:

Նախ, սրանք մեզ համար ռազմավարական նշանակություն ունեցող տարածքներ են: Եթե իշխանությունը գնա այդ զիջման ճանապարհով, մեր ամբողջ պաշտպանական համակարգը փլվելու է, մեր ռազմավարական ճանապարհները գտնվելու են թշնամու հսկողության տակ: Հայաստան մտնող հիմնական գազատարը լինելու է նրանց հսկողության տակ: Դրանով Ադրբեջանի զինուժը մոտեցնելու ենք հայկական բնակավայրերին:

Իսկ ի՞նչ ենք ստանալու դրա դիմաց: Ինքն ասում է՝ երաշխիք չեմ տալիս, որ լինելու է խաղաղություն»,-ասաց Սաղաթելյանը՝ հավելելով, որ վերջին 3 տարիներին այս տրամաբանությամբ բազմաթիվ տարածքներ են հանձնվել թշնամուն, իսկ Արցախը կորսվել է:

«Այսինքն այն թեզը, որ ասում են՝ տանք, լինի խաղաղություն, դրանով պատերազմը մտցնում են մեր տուն: Նիկոլ Փաշինյանը եւ ՔՊ-ն պատերազմի եւ պարտության սիմվոլ են: Նրանք չեն կարող խաղաղության կամ հաղթանակ բերել մեր ժողովրդին: Եթե պատերազմ լինի, այդ պատերազմը բերում է Նիկոլ Փաշինյանը: Երբ ասում է՝ էդ գյուղերը հայկական չեն, դրանով լեգիտիմացնում է Ադրբեջանի ագրեսիան մեր նկատմամբ: Սա է իրականությունը»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ադրբեջանի և Հայաստանի միջև ​​սահմանի սահմանազատումը կարևոր է տարածաշրջանային կայունության համար. Զախարովա
Մենք աջակցում ենք սահմանազատման բոլոր հարցերի կարգավորմանը...
Բայրամով. Սահմանի մի մասի սահմանազատման մասին համաձայնագիրը դրական ներդրում է Բաքվի և Երևանի կարգավորման գործընթացում
Ադրբեջանա-հայկական սահմանի որոշակի հատվածի սահմանազատման և Հայաստանի կողմից երկար ժամանակ...
Հայաստանի եւ Ադրբեջանի միջեւ խաղաղության պատուհանը չպետք է անտեսվի. Էրդողան
Թուրքիայի նախագահը խոսել է զորավարժության...
ՀՀ-ում ԵՄ դիտորդական առաքելության ղեկավարն այցելել է Սև լճի տարածք
Առաքելության ղեկավար Մարկուս Ռիտերը նախօրեին Գորիսում հանդիպել է ԵՄ դիտորդական առաքելության անձնակազմի հետ: Թիմն այցելել է նաև Հայաստանի...
Փաշինյանին չեմ լսել. ԱԱԾ տնօրենի տեղակալը` ՀԱՊԿ 2 պետության ՀՀ-ի դեմ պատերազմ նախապատրաստելու մասին
Սահմանապահ զորքերը տեղակայման փուլում են, դուք տեսնում եք...
Դուք անձամբ զենք վերցրեք, եկեք իմ կողքը կանգնեք եւ միասին կգնանք. ԳՇ պետը՝ Ջերմուկից Ադրբեջանի ԶՈՒ հետքաշման մասին
Լսիր՝ քեզ ինչ եմ ասում, ինձ մի պարտադրիր, թե ես ինչ պատասխան պետք է տամ: Ինձ մի հրահրեք...
Ամենաշատ