News
Լրահոս
News
Երկուշաբթի
Մայիս 27
Տեսնել լրահոսը

Փետրվարին գրանցվել է վերջին 14 տարիների ամենաբարձր ցուցանիշը՝ 21 հազար 159 իրավունքի պետական գրանցման գործարք: Նախորդ տարվա նկատմամբ ունեք 26,8 տոկոսի աճ: Վերջին 3-4 տարիներին ակտիվությունը արդեն նկատելի էր: Այս մասին այսօր՝ ապրիլի 10-ին, ասուլիսի ժամանակ ասաց Կադաստրի կոմիտեի շուկայի վերլուծության բաժնի պետ Աննա Նազարյանը՝ խոսելով անշարժ գույքի շուկայի միտումների և առկա խնդիրների մասին:

Նրա խոսքով նման աճ գրանցվել է ոչ միայն Երևանում, այլև մարզերում: Հունվարի ընթացքում էլ  գրանցվել է 16 հազար 394 իրավունքի պետական գրանցում:

«Կառուցապատողների հայկական ասոցիացիա» ՀԿ–ի խորհրդի անդամ Արմեն Սաքապետոյանը վստահեցնում, որ կառուցապատումների աճ է գրանցվել հատկապես Երևանին մոտ քաղաքներում: Հեռավոր մարզերում, սակայն պատկերը փոքր ինչ այլ է:

«Հեռավոր մարզերում դեռևս նման աշխուժություն չի նկատվում, որովհետև այնտեղ գները բավական ցածրն են , և բիզնեսների համար նպատակահարմար չէ այնտեղ տեղափոխվելը: Կարծում եմ պետք է հեռավոր մարզերում փոխվի քաղաքականությունը քանի որ մենք ունենք բնակֆոնդի նորացման խնդիր»,-պարզաբանեց Արմեն Սաքապետոյանը: 

Արմեն Սաքապետոյանի խոսքով, մինչև կառուցապատման այս ակտիվացումը, մինչև 2015-2016 թվականներ, կառուցապատում շատ քիչ է տեղի ունեցել, և ըստ էության, մենք հին բնակֆոնդի ռենովացիայի խնդիր ունենք:

 «Քաղաքաշինության տեսանկյունից, պետք է հնարավորինս սահմանափակվեն կետային կառուցապատումները և Կառավարությունը պետք է ավելի շատ նպաստի ռենովացիոն ծրագրերի իրականացմանը, մասնավորապես 1950-60 ական թվականներին  կառուցված բնակֆոնդի թարմացմանը»,-ասաց նա և հավելեց, որ խոսքը վերաբերում է ոչ միայն Երևանին, այլև մարզերին, որովհետև 4-րդ աստիճանի վթարային շենքեր ոչ միայն Երևանում կան, դրանք կան հատկապես երկրաշարժ տեսած գոտիներում:

Նրա խոսքով, այս տարիների ընթացքում Հայաստանը չկարողացավ դառնալ ներդրումային երկիր անշարժ գույքի ոլորտում: Քաղաքականությունը պետք է միտված լինի նրան, որ ներդրումային տեսանկյունից շահավետ լինի Հայաստանում գույք ձեռք բերելը, որպեսզի եկամտահարկի կամ նմանատիպ ծրագրերի բացակայության պայմաններում քաղաքաշինական գործունեության ակտիվությունը չնվազի:

Տպել
Կարդացեք նաև
Ամբողջը
Ֆինանսների նախարարը մասնակցել է Հայաստանի աուդիտորների և փորձագետ հաշվապահների պալատի տարեկան ընդհանուր ժողովին
Պալատի նախագահ Թաթուլ Մովսիսյանը ներկայացրել է պալատի՝ 2023 թվականի գործունեության արդյունքների մասին հաշվետվությունը, որը հաստատվել է պալատի...
Եվրոյի եւ դոլարի փոխարժեքները աճել են. թանկացել է նաեւ ռուբլին
ԱՄՆ դոլարի փոխարժեքն այսօր՝ մայիսի 27-ին, կազմել է...
Մաքսանենգության և մաքսային կանոնների խախտման դեպքեր. ՊԵԿ շաբաթվա ամփոփումը
Հայտնաբերվել է մաքսային հսկողությունից թաքցված 92 տուփ ծխախոտ…
ՀՀ տնտեսական ակտիվության ցուցանիշը չորս ամսում աճել է 13,2 տոկոսով. Գնանկում է արձանագրվել
Հայաստանի տնտեսական ակտիվության ցուցանիշը 2024 թվականի հունվար-ապրիլ...
Արմավիրում գործող շինըկերությունում բետոնահանգույցի գործունեությունը կասեցվել է
Բնապահպանության և ընդերքի տեսչական մարմնի աշխատակիցները ստուգում են...
18 մետրանոցները նույնպես Երևանի բյուջեով պետք է գնենք. Ավինյանը՝ 250 ավտոբուսների մասին
Երևանը նոր տրոյելբուսներ կունենա: 15 տրոլեյբուսի համար ֆինանսական...
Ամենաշատ