News
Լրահոս
News
Հինգշաբթի
Մայիս 23
Տեսնել լրահոսը

Կառավարությունն իր այսօրվա՝ ապրիլի 12-ի նիստում փոփոխություն կատարեց իր որոշումներից մեկում, որով նախատեսվում է ՀՀ ՆԳՆ ոստիկանության զորքերի արտաքին ծառայություն իրականացնող զինծառայողների համար 20.000–ական դրամի փոխարեն սահմանել 70․000 -ական դրամ ամսական հավելում։

Օրինակներ` 

Ոստիկանության զորքերի սպայական կազմի 15-20 տարի զինծառայության ստաժով.

- գնդի կազմում գումարտակի վաշտի հրամանատարի ամսական վարձատրության չափը, ներառյալ նախագծով առաջարկվող 70․000 դրամ հավելումը, կազմում է 384․776 դրամ,

- հատուկ նշանակության գումարտակի դասակի հրամանատարի ամսական վարձատրության չափը նույն հաշվարկով կազմում է 349․109 դրամ։

Ոստիկանության Երևան քաղաքի վարչության հատուկ նշանակության գումարտակի 15-20 տարի զինծառայության ստաժով.

- վաշտի հրամանատարի ամսական վարձատրության չափը կազմում է 404․423 դրամ,

- դասակի հրամանատարի ամսական վարձատրության չափը՝ 330․007 դրամ։ 

Որոշման նախագծով առաջարկվող հավելումների հաստատման դեպքում վերը նշված ոստիկանության զորքերի արտաքին ծառայություն իրականացնող զինծառայողների ամսական վարձատրության չափերը կավելանան 50.000 - ական դրամով:

Որոշման նախագծի 2-րդ կետով նախագծին հետադարձ ուժ տալը պայմանավորված է այն հանգամանքով, որ վերոնշյալ ծառայողները ծառայությունն իրականացնում են 2024թ․ հունվարի 1-ից։

!
Այս նյութը հասանելի է նաև   Русский
Տպել
Ամենաշատ