News
Լրահոս
News
Շաբաթ
Մայիս 25
Տեսնել լրահոսը

Մոլդովայի խորհրդարանը վերջնական ընթերցմամբ հավանություն է տվել Եվրոպայում սովորական զինված ուժերի մասին պայմանագրի (ԵՍԶՈՒ) գործողության դադարեցման մասին օրինագծին։

«Մոլդովայի Հանրապետությունը դադարեցնում է 1990 թվականի նոյեմբերի 19-ին Փարիզում ստորագրված Եվրոպայում սովորական զինված ուժերի մասին պայմանագիրը՝ հետագայում դրա իրականացմանը վերադառնալու հնարավորությամբ»,- ասվում է փաստաթղթում։

Որոշումն ընդունվել է Մոլդովայի «Գործողություն եւ համերաշխություն» կուսակցության 53 պատգամավորների ձայներով։

Նշվում է, որ այս որոշումն ընդունվել է՝ հաշվի առնելով համաձայնագրի ստորագրումից հետո հանգամանքների էական փոփոխությունը։

Օրենսդիրների վերջնական հաստատումից հետո որոշումը պետք է հաստատի երկրի նախագահը:

Եվրոպայում սովորական զինված ուժերի մասին պայմանագրի գործողության դադարեցման մասին օրինագիծն ուժի մեջ կմտնի Միջազգային պայմանագրի ավանդապահի և պայմանագրի մասնակից պետությունների կողմից ծանուցումն ստանալուց 150 օր անց։

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ