News
Լրահոս
News
Չորեքշաբթի
Մայիս 22
Տեսնել լրահոսը

Ապրիլի 13-ի վաղ առավոտյան Օրենբուրգում Ուրալ գետի մակարդակը հասել է 11 մետր 71 սանտիմետրի։ Վերջին 4 ժամում ջրի մակարդակը էլ չի բարձրանում, տեղեկացրել է Օրենբուրգի նահանգապետ Դենիս Պասլերը։

«Ակնկալում ենք, որ ջրի բարձրացում այլեւս չի լինի, իրավիճակը կայունանում է, իսկ հետո կսկսվի նվազումը»,- նշել է նա։

Նահանգապետի խոսքով՝ Օրսկում Ուրալի մակարդակն իջել է եւս 23 սանտիմետրով։ Քաղաքը շարունակում է ազատվել ջրից եւ վերադառնալ նորմալ կյանքի։

«Իրադրությունը մնում է բարդ։ Մի շարք տարածքներում վարարման բարձրակետը դեռ առջեւում է։ Մոբիլիզացնում ենք ուժերը եւ միջոցները իլեկյան ուղղությամբ»,- ավելացրել է նա։

Օրսկում անցած ուրբաթ քանդվել էր ամբարտակը, որը քաղաքը պաշտպանում էր Ուրալ գետից։ Քաղաքապետ Վասիլի Կոզուպիցայի խոսքով՝ ամբարտակը վնասվել է երկու տեղում։ Այդ իրավիճակը անդրադարձել է նաեւ Օրենբուրգի վրա։

Դատախազության կարծիքով՝ պատճառը հիդրոտեխնիկայի պահպանման ժամանակին չձեռնարկված միջոցներն են։ Հարուցվել է քրեական գործ «Շինարարական աշխատանքների ժամանակ անվտանգության կանոնների խախտում» եւ «Անփութություն» հոդվածներով։

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ