News
Լրահոս
News
Շաբաթ
Մայիս 18
Տեսնել լրահոսը

Վերջին շաբաթներին Ռուսաստանի զորքերը սկսել են նոր մարտավարություն կիրառել ուկրաինական էներգետիկ օբյեկտների վրա հարձակվելու համար, հաղորդում է CNN-ը։ Եթե ​​նախկինում գրոհները ցրված էին, ապա այժմ դրանք դարձել են ավելի ճշգրիտ ու կենտրոնացված։

«Նրանց մարտավարությունը փոխվել է, ցավոք, ոչ դեպի լավը մեզ համար»,- ասել է Ուկրաինայի էներգետիկայի փոխնախարար Սվետլանա Գրինչուկը։ Ըստ նրա, Ռուսաստանի զանգվածային հարձակումների արդյունքում «վերակառուցման և վերանորոգման մեր մեկ տարվա գրեթե բոլոր ջանքերը կործանվեցին մի քանի օրվա ընթացքում»:

Ռուսաստանը սկսել է նոր մարտավարություն կիրառել մարտի 22-ին՝ Ուկրաինայի վրա իր ամենազանգվածային հարձակումներից մեկի ժամանակ, ասել է Կիևում գործող Էներգետիկ արդյունաբերության հետազոտական ​​կենտրոնի (EIRC) տնօրեն Ալեքսանդր Խարչենկոն: «Նոր ռազմավարությունն իրենից ներկայացնում է զանգվածային հրթիռային հարվածներ կոնկրետ թիրախների դեմ՝ մեծ թվով հրթիռներով և անօդաչու սարքերով, որոնք միաժամանակ ուղղված են շատ սահմանափակ թվով թիրախների վրա»,- ասել է նա:

Ուկրաինայի խոշորագույն գեներացնող  DTEK ընկերությունից ասում են, որ Ռուսաստանը հրաժարվել է Ուկրաինայի էլեկտրահաղորդման համակարգերի վրա  հարձակումներից և մարտի վերջից զանգվածային հարձակումներ է իրականացնում էներգետիկ ենթակառուցվածքների վրա։ «Ցավոք, հակառակորդը կատարելագործել է իր մարտավարությունը և կիրառում է ճշգրիտ զինատեսակներ։ Արդյունքում, դրա կործանարար արդյունավետությունը զգալիորեն աճել է 2023 թվականի համեմատ»,- ասել է DTEK-ի գործադիր տնօրեն Մաքսիմ Տիմչենկոն։

CNN-ը հիշեցնում է, որ Ռուսաստանն առաջ ձմռաննախաշեմին հարձակվում էր էներգետիկ օբյեկտների վրա, սակայն այժմ հարձակումներ է սկսել գարնանը։ Հեռուստաալիքը երկու հնարավոր պատճառ է բերում, թե ինչու էր Ռուսաստանի Դաշնությունը սպասել գարնանը. նախ՝ ժամանակ էր պետք զենքերի քանակն ավելացնելու և անհրաժեշտ հետախուզական տվյալներ ձեռք բերելու համար, և երկրորդ՝ Ռուսաստանը կարող էր սպասել, մինչև ուկրաինական էլեկտրակայաններն ավելի քիչ պաշտպանված լինեն հակաօդային պաշտպանության համակարգերով։  



!
Այս նյութը հասանելի է նաև   Русский
Տպել
Կարդացեք նաև
Ամբողջը
Օդեսայի և Խարկովի հրետակոծության հետևանքով զոհվել է 3, վիրավորվել՝ 33 մարդ
Հրետակոծությունների հետևանքով քաղաքում զոհերի թիվը հասել է 25-ի...
ՌԴ-ի համար Ուկրաինայի նախագահի լեգիտիմությունը կարևոր կլինի փաստաթղթեր ստորագրելիս. Պուտին
Ռուսաստանը միտք չունի «դաշտի կենտրոնից» քննարկել այն, ինչ չգիտի...
Բրիտանական հետախուզությունը գնահատել է Կրեմլում վերադասավորումների ազդեցությունը պատերազմի ընթացքի վրա
Կրեմլի անվտանգության բլոկի փոփոխությունները չեն ազդել ռուսական բանակի…
Պուտինը Մակրոնին է վերաուղղել է Ուկրաինա ֆրանսիական զորքեր ուղարկելու հարցը
Ես Ֆրանսիայի նախագահը չեմ, ես որոշումներ չեմ կայացնում...
«Ծառի՞ց են ընկել, ինչ է». Պուտինը՝ Ուկրաինայի հարցում Ռուսաստանին պայմաններ թելադրելու փորձի մասին
Մենք պատրաստ ենք քննարկել...
Պենտագոնը հրաժարվել է թույլ տալ Ուկրաինային ամերիկյան զենքով հարվածել Ռուսաստանին
Մենք կարծում ենք, որ տեխնիկան և հնարավորությունները, որոնք մենք տրամադրում ենք Ուկրաինային, պետք է օգտագործվեն Ուկրաինայի ինքնիշխան տարածքը վերադարձնելու համար...
Ամենաշատ
Ֆոտոռեպորտաժներ