News
Լրահոս
News
Շաբաթ
Մայիս 18
Տեսնել լրահոսը

2023 թվականի ընտրություններում Երևանի քաղաքապետի պաշտոնում հաջողությամբ առաջադրված Տիգրան Ավինյանը և իշխող կուսակցության ցուցակի այլ ներկայացուցիչներ, բանավոր հարձակումներ էին կատարում և ընտրություններին հետևող դիտորդական առաքելությունների վստահությունը խաթարելու փորձեր՝ կասկածի տակ դնելով առաքելությունների ֆինանսավորման աղբյուրները և մեղադրելով նրանց մանիպուլյացիայի մեջ, ասվում է Freedom House իրավապաշտպան կազմակերպության Nations in Transit 2024 («Ազգերը տարանցման մեջ 2024») տարեկան զեկույցում։

Զեկույցում նշվում է, որ Երեւանի ավագանու ընտրություններին մասնակցությունը կազմել է 28.5%, ինչը զգալիորեն զիջում է 2018 թվականի Երեւանի ավագանու նախորդ ընտրությունների 44%-ին։ «Այս արդյունքը ներքաղաքական բևեռացման ախտանիշ է, որտեղ քաղաքացիները և՛ հիասթափված են հետհեղափոխական էլիտաների ձախողումներից, և՛ չեն ցանկանում աջակցել նախորդ ռեժիմի կողմից ներկայացված այլընտրանքին: 2023 թվականի սկզբին անցկացված Միջազգային հանրապետական ​​ինստիտուտի (IRI) հարցման արդյունքները ցույց են տալիս, որ Հայաստանի բնակչության 60 տոկոսը չի վստահում ոչ մի քաղաքական կամ հասարակական գործչի։ Մինչդեռ այն հարցին, թե ինչպես կարձագանքեն, եթե հաջորդ կիրակի անցկացվեն համապետական ​​ընտրություններ, հայաստանցիների 58 տոկոսը պատասխանել է, որ կամ կփչացնեն իրենց քվեաթերթիկը, կամ ընդհանրապես չեն քվեարկի, կա՛մ կքվեարկեն ուրիշի օգտին, կա՛մ կհրաժարվեն կամ չեն պատասխանի»,- գրում է Freedom Hօuse-ը։ 

Միաժամանակ, կազմակերպությունն ընդգծում է, որ նախընտրական քարոզարշավը լայնորեն թունավորել է «սոցիալական ցանցերում կեղծ էջերի համատարած և համակարգված վարքագիծը, որոնք աջակցում են բոլոր կողմերին, հատկապես նրանց, ովքեր խոսում են ի օգուտ իշխող կուսակցության և իրենց բոլոր ընդդիմախոսների դեմ, ինչպես ցույց են տալիս լրագրողական հետաքննությունները»:

!
Այս նյութը հասանելի է նաև   Русский
Տպել
Ամենաշատ