News
Լրահոս
News
Հինգշաբթի
Մայիս 23
Տեսնել լրահոսը

Վրաստանի նախագահ Սալոմե Զուրաբիշվիլին հրաժարվել է ստորագրել օրենքը, որը վերացնում է խորհրդարանական ընտրությունների կուսակցական ցուցակներում կանանց քվոտաները։ Այս մասին խորհրդարանի բյուրոյի նիստում հայտարարել է Վրաստանի խորհրդարանի նախագահ Շալվա Պապուաշվիլին։ «Մենք ստացել ենք վետո՝ կապված գենդերային քվոտաների հետ կապված ընտրական օրենսգրքում փոփոխությունների հետ։ Մենք այդ հարցը կփոխանցենք իրավական հարցերի հանձնաժողովին, որը կքննարկի այս հարցը, և միայն դրանից հետո կներկայացնենք լիագումար նիստին»,- ասել է Պապուաշվիլին։

Եթե ​​խորհրդարանը չեղարկի նախագահի վետոն, օրենքը կրկին կուղարկվի նախագահին՝ ստորագրման համար: Եթե ​​Զուրաբիշվիլին երկրորդ անգամ հրաժարվի ստորագրել օրենքը, խորհրդարանի խոսնակը կստորագրի այն, որից հետո այն ուժի մեջ կմտնի։

Ապրիլի 4-ին Վրաստանի խորհրդարանը երրորդ և վերջին ընթերցմամբ հավանություն է տվել կանանց քվոտաները վերացնող օրենքին։ Փաստաթուղթը նախաձեռնել է ընդդիմադիր «Գիրչի» քաղաքական խումբը։ Ընտրական օրենսգրքի գործող հոդվածի համաձայն՝ խորհրդարանական ընտրություններին մասնակցող քաղաքական ուժերի կուսակցական ցուցակներում պատգամավորների յուրաքանչյուր քառյակում պետք է առնվազն մեկ կին լինի։

Նախաձեռնողների խոսքով, Վրաստանում կանայք իրենց քաղաքական կարիերայում որևէ խոչընդոտ չեն ունենում և հատուկ քվոտա չեն պահանջում։ Իսկ օրենսդրության մեջ քվոտայի առկայությունը վկայում է այն մասին, որ, իբր, երկրում կանայք ճնշված են։



!
Այս նյութը հասանելի է նաև   Русский
Տպել
Ամենաշատ