News
Լրահոս
News
Չորեքշաբթի
Մայիս 22
Տեսնել լրահոսը

Իսպանիայի կառավարությունը՝ վարչապետ Պեդրո Սանչեսի գլխավորությամբ, առաջիկա շաբաթների ընթացքում կորոշի ճանաչել Պաղեստին պետությունը, անկախ նրանից, թե արդյոք ԵՄ մյուս երկրները կմիանան Մադրիդի քայլին։ Այս մասին պաշտոնական աղբյուրները հայտնել են Euractiv հրատարակության գործընկեր EFE գործակալությանը։

Չորեքշաբթի օրը Սանչեսը մի քանի երկկողմ հանդիպումներ է անցկացրել Բրյուսելում այլ եվրոպացի առաջնորդների հետ՝ վերանայելու իրավիճակը Մերձավոր Արևելքում, բացատրելու Մադրիդի դիրքորոշումը և համակարգելու գործողությունները:

Աղբյուրները նշում են, որ անկախ նրանից, թե արդյոք ԵՄ մյուս երկրները կմիանան Պաղեստին պետության ճանաչման վերաբերյալ Իսպանիայի դիրքորոշմանը, Իսպանիայի կառավարությունն արդեն քաղաքական որոշում է կայացրել և կիրականացնի այդ համարձակ քայլը։

Սանչեսը վերջերս հայտարարել էր, որ դա տեղի կունենա մինչեւ ընթացիկ վեցամսյա ժամկետի ավարտը, այսինքն՝ մինչեւ հուլիս։ Սակայն աղբյուրներն ասում են, որ այդ քայլը «կձեռնարկվի շաբաթների, ոչ թե ամիսների ընթացքում»:

Այս քայլին աջակցել է Իսպանիայի խորհրդարանը դեռ 2014թ.-ին։ Վերջին բազմաթիվ հարցումների համաձայն՝ Պաղեստինի ճանաչումը մեծ աջակցություն ունի իսպանական բնակչության շրջանում:

!
Այս նյութը հասանելի է նաև   Русский
Տպել
Ամենաշատ