News
Լրահոս
News
Չորեքշաբթի
Մայիս 29
Տեսնել լրահոսը

Իրանական բանակը հարավարևելյան սահմանային շրջաններում ձերբակալել է մոտ 50 հազար անօրինական օտարերկրյա ներգաղթյալների, ասել է հրամանատարության ներկայացուցիչը:

Tasnim-ի հետ զրույցում Իրանի բանակի հարավարևելյան տարածաշրջանային բազայի հրամանատար, գեներալ Ամիր Ղոլամալյանն ասել է, որ իր զորքերը օգնում են սահմանապահ ոստիկաններին ազգային սահմանների երկայնքով անօրինական ներգաղթի դեմ պայքարում, թեև նրանցից դա չի պահանջվում:

Բանակի Հարավարևելյան տարածաշրջանային բազայի զինվորները շուրջ 49,800 անօրինական ներգաղթյալների են ձերբակալել շրջանի դարանակալման գործողությունների ընթացքում և հանձնել սահմանային ոստիկանությանը, ասել է գեներալը:

Հրամանատարը նշել է, որ ձերբակալված ներգաղթյալները Արտաքին գործերի նախարարության հետ համաձայնեցումից  հետո արտաքսվում են իրենց երկրներ։

2023 թվականի հոկտեմբերին Իրանի ներքին գործերի նախարար Ահմադ Վահիդին հայտարարել էր, որ փաստաթղթեր չունեցող աֆղան գաղթականներին պետք է վտարել Իրանից՝ քննադատելով թալիբների կողմից Իրանի առջև ծառացած խնդրի անտեսումը:

2022 թվականի հունիսին Ներքին գործերի նախարարի անվտանգության և իրավապահ մարմինների գծով տեղակալը հաշվել էր, որ Իրանում կա մոտավորապես 4,5 միլիոն գրանցված և առանց փաստաթղթերի աֆղանցի:

 2021 թվականին Աֆղանստանում «Թալիբան» շարժման կողմից իշխանության գրավումը առաջացրել է աֆղանների արտագաղթի հսկայական հոսք, որոնցից շատերը ձգտել են Իրան, որի հետ Աֆղանստանը 921 կիլոմետրանոց ցամաքային սահման ունի:



!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ