News
Լրահոս
News
Երկուշաբթի
Մայիս 27
Տեսնել լրահոսը

Մարտական Եղբայրության անդամները կրկին ենթարկվում են քաղաքական հետապնդումների՝ շինծու գործերով. նշվում է միաբանության հաղորդագրության մեջ։

«Ինչպես գիտեք, երեկ՝ ապրիլի 21-ին, Մարտական եղբայրության անդամները հերթական այցով Տավուշում էին:

Հանդիպելով հավաքված գյուղացիներին, ովքեր իրենց բողոքն էին արտահայտում սահմանագծի փոփոխության դեմ և փակել էին միջպետական ճանապարհը, միաբանները կանգնել են գյուղացիների կողքին։

ԵԿՄ մի խումբ սադրիչներ ՈՒԱԶ մակնիշի մեքենան վարել են ճանապարհը փակած գյուղացիների ուղղությամբ, ինչին ընդդիմացել են ցուցարարները։

Կարևոր ենք համարում հստակ արձանագրել՝ ոստիկանության բազմաթիվ աշխատակիցներ, անմիջապես տեղում գտնվելով, չեն կանխել միջադեպը, թույլ են տվել, որ սադրիչներից մեկը բարձրանա ՈՒԱԶ-ի տանիքին և այնտեղից ցատկելով ոտքով հարվածի ցուցարարներին։

Միևնույն ժամանակ, ոստիկանությունը առիթն օգտագործել է Մարտական եղբայրության անդամներին ձերբակալելու և շինծու մեղադրանքներ ներկայացնելու համար։

Ձերբակալվել են անգամ Մարտական միաբանության այն անդամները, ովքեր ներկա չեն եղել միջադեպին։

Սա հստակ քաղաքական հետապնդում է Մարտական եղբայրություն միաբանության նկատմամբ։

Ոստիկանությունից պահանջում ենք ազատ արձակել մեր եղբայրներին և չդառնալ քաղաքական հետապնդումների գործիք՝ իշխանությունների ձեռքում»։

!
Այս նյութը հասանելի է նաև   Русский
Տպել
Ամենաշատ